Во болницата во Битола се лекуваат осум ковид позитивни пациенти, од кои три лица се повремено на кислородна поддршка, останатите се стабилни. На домашно лекување се следат 13 пациенти. Досега од Ковид-19 се регистрирани 16 случаи во Битола. 

Со желба за здравје, благосостојба и хармонија РЕК „Битола“ им го честита најголемиот христијански празник, Христовото воскресение – Велигден на сите христијански верници.

ЈКП Водовод им го честита најголемиот христијански празник, Христовото воскресение – Велигден на сите христијански верници.

Во Општина Битола во изминативе три  дена се поделени над 300 хуманитарни пакети преку ОО СДСМ.

Во акцијата учествуваа голем дел од членовите, раководството на општинската организација, градоначалничката Наташа Петровска, советници и кандидатите за пратеници.

-Голема благодарност до сите наши членови, симпатизери и граѓани кои несебично донираа и овозможија оваа акција да се реализира во овој обем. На овој начин уште еднаш ги докажавме и покажавме бескрајната солидарност и емпатија кои се главни карактеристики на СДСМ, велат битолските социјалдемократи.

Во Општина Новаци и денеска се мијат и дезинфицираат улиците и јавните површини. Екипите на ЈКП Комунална Хигиена - Општина Новаци се на терен. 

-Заедно во подигнување на нивото на јавната хигиена. ЈКП Комунална Хигиена на терен а вие останете дома, порачува градоначалникот на Општина Новаци Љубе Кузманоски.