Утринава, во училишниот двор на подрачното училиште „Тодор Ангелевски“ во населбата Горно Оризари, учениците од прво до деветто одделение, во организација на нивните наставници, имаа одличен настан со кој го одбележаа Денот на шегата.

- За првпат оваа година, нашето подрачно училиште одлучи да организира настан од поголеми размери. Целта ни беше да го одбележиме Денот на шегата онака како што доликува: со смеа, забава, песна, маски и дружење. Настанот беше во организација на сите наставници од ова подрачно училиште и сум благодарен што сите активно се вклучија во негова организација - рече Благоја Трајковски, раководител на подрачното училиште во Горно Оризари.

Во училишниот двор имаше различни креативни маски од принцези, пеперутки, музички ноти, шеици, каубојци, како и други групни интересни маски, а продефилираа и неколку интересни групни маски, а за изборот на најдобрите се погрижи шестчлена жири-комисија составена од наставници по ФЗО, ликовно и музичко образование.

- Се надевам дека овој настан во иднина ќе стане еден вид на традиција која ќе се одржува во годините што претстојат, а јас ќе настојувам на тоа. Вреди да се види насмевката и радоста на лицата на децата, како и на нивните родители за кои верувам дека вложуваат многу труд за да ги исполнат желбите на децата за тие да продефилираат со различни маски. Од наредната година ќе имаме и посебни индивидуални категории за најдобри маски, а оваа година одлучивме да ги наградиме сите одделенија и ученици како еден почеток на оваа убава традиција - додаде раководителот Трајковски.

ЕСМ Молика започна со целосна реконструкција на Автокампот Ливадишта во Радожда, Струга. Активностите се во насока на подигнување на квалитетот на услугите и збогатување на содржините што ги нуди ова популарно одморалиште на брегот на Охридското езеро. Целта е во пресрет на летната туристичка сезона, Ливадишта конечно да прерасне во современ автокамп, со европски стандарди. 

За првпат после 50 години од изградбата на Автокампот Ливадишта, се менува водоводната и одводната инсталација, се реновираат тоалетите и капатилата, се заменува инсталацијата за напојување со електрична енергија. 

Сите постоечки градежни парцели во автокампот ќе бидат реконструирани. Функционалните камп приколки во одморалиштето ќе бидат репарирани, а оние што веќе не можат да овозможат квалитетно сместување ќе бидат отстранети. Реновирани ќе бидат и сите бунгалови во кампот, а ќе се изградат нови парцели за трејлери и шатори. 

Темелна реконструкција ќе претрпи и ресторанот во Автокампот, санитарните јазли и пропратните простории во рамките на објектот. Во ресторантската кујна ќе бидат обновени сите простории и површини согласно стандардите за безбедност на храната, а ќе бидат воведени и новини кои ќе ја збогатат понудата за уште поголемо гастрономско уживање покрај Охридското езеро. 

Плажата во Автокампот Ливадишта ќе добие нов, ситен песок, просторот во целиот автокамп ќе биде партерно уреден, а спортските терени ќе бидат, исто така, реновирани. Најмладите летувалци во Ливадишта ќе добијат соодветен простор за детска забава и анимација.

Почитувајќи ги обврските кон закупците на простор во Автокампот Ливадишта, ЕСМ Молика ги извести за градежно – занаетчиските работи кои започнаа во одморалиштето со надеж дека до почетокот на летото активностите ќе бидат завршени. 

После целосната реконструкција на Хотелот Молика, прва после 30 години од неговата изградба, реконструкцијата на Автокампот Ливадишта е вториот голем проект кој го реализира Друштвото за туризам, угостителство, рекреација и спорт ЕСМ Молика.