Од денес изведувачот на изработката на техничката документација и реконструкцијата на Мостот кај Безистенот е воведен во работа. Како прва фаза од предметните работи е изработката на проектната документација, во која е предвидено и пескарење на челичната конструкција. Подготвителните активности се веќе отпочнати, а со пескарење ќе се започне во понеделник, информираат од Општина Битола

Додадваат дека после изработката на техничката документација, ќе следува обезбедување на одобрение за реконструкција од Министерството за транспорт и врски, со цел отпочнување на градежните активности.

Денес,  на акумулацијата Стрежево, меѓу Лера и Свињиште, на оддалеченост од околу 10 метри од брегот на езерото пронајдени се неколку рибарски мрежи, со вкупна должина од 250 метри, жилавки наменети за крупна риба.

Ако ги прашате политичарите ќе кажат дека медиумските реформи сè уште не дошле на дневен ред, додека медиумските работници оценуваат дека нема политичка волја за независни регулаторни тела. По два распишани јавни конкурса, од кои еден поништен, трета година не може да се изберат нови членови на Програмскиот совет на МРТВ и Советот на Агенцијата за аудио и аудиовизуелни медиумски услуги(ААВМУ). Овие две тела работат со истечени мандати, додека одлуките што се донесуваат во овој период се оценуваат како „дискутабилни“

Во охридско-струшкиот регион недостигаат педијатри, уролози, хирурзи, гинеколози и други специјалисти. Здравствениот сектор се соочува со загуби на медицинскиот персонал, особено на лекари специјалисти, кои одат во приватниот сектор или заминуваат на работа во странство, оценува Европската комисија во објавениот Извештај за напредокот на земјата. До Лекарската комора годинава пристигнале 155 барања за потврди за странство. Најчесто лекарите заминуваат во Германија, скандинавските земји и Словенија