Три милиони денари издвои годинава државата за заштита на  македонскиот црковен бисер „Св Ѓорѓи“ во Курбиново. Тоа се најмногу пари од областа на културата  издвоени за еден проект во  Преспаснко-пелагонискиот Регион  од програмата на Министерството за култура. Средствата се наменети за конзервација и реставрација на прва фаза архитектура и конструкција на црквата „Св. Ѓорги“,  втора фаза како културно наследство во опасност, а ќе бидат вложени уште 20.000 денари за изработка на елаборат за ревалоризација на црквата.

Битолскиот театар годинава од Министерството за култура доби поддршка за 4 премиери и еден фестивал. На сцената оваа година ќе бидат поставени претстави според  делата Шекспир, Брехт,  Нушиќ. 

Членовите на Собранието при Здружението на пензионери  од Битола на  денешната седница која се одржа со почитување на мерките за заштита од ковид-19, а со која раководеше претседателот Крсте Белевски, го усвои извештајот и завршната сметка за работењето во изминатата година. При тоа, Белевски рече дека работењето е позитивно, а Здружението доделени и неколку хуманитарни донации на медицински установи.. Така, 150 000 денари беа дадени за операции и лекување на пензионери. 

Претседателот на ИО Томе Димитровски информираше дека одредените анкетари кои неодамна беа обучени за изработувањето на социјалните пензионерски книшки, собирањето на податоците ќе го спроведат во април и мај и тоа кај оние пензионери што се заинтересирани за таа цел, бидејќи книшката ќе биде од нивна полза. Димитровски рече дека запишувањето за огревни дрва ќе трае до средината на идниот месеци. И годинава членовите на здружението кои се 19 300  на број, ќе може еднаш месечно бесплатно да контролираат шеќер, притисок и холестерол во три здравствени установи во градот . Доколку Општината формира јавно претпријатие за градски превоз ќе биде потпишан договор за да можат да го користат пензионерите од Битола, Новаци и Могила по поволни услови. 

 Наша интенција е да го продолжиме рокот за легализација преку нов Закон за да може да им се даде можност на сите физичи и правни лица кои досега не ги легализирале објектите или подземната инфраструктура, тоа да го сторат, истакна истакна министерот за транспорт и врски Благој Бочварски. Новиот предлог Закон за добивање на правен стстус на бесправно изградените објекти веќе е влезен во собраниска процедура. Со него се очекува да се продолжи рокот за легализација на дивоизгардените објекти со нов рок по предлог на локалните самоуправи.

„Според новиот предлог Закон, а за кој очекуваме поддршка од пратениците, висината на надоместокот е утврдена со висината на надоместокот за уредување на градежно земјиште во секоја општина посебно -комуналии- и се зголемува за 50 проценти. Од плаќање на надоместок со предлогот ослободени се примателите на социјална помош, државни органи, единици на локална самоуправа, јавни субјекти како и верските објекти. За бесправните објекти кои се изградени во одредени заштитени подрачја  со новиот предлог закон се предвидува да се побара согласност за легализација од органите надлежни за управување со овие подрачја. Сакам да напоменам дека првично со овој предлог закон крајниот рок за легализација беше за објекти изградени до 1 октомври 2019 година, а беше на барање и со силна поддршка на локалните самоуправи и градоначалниците”, изјави Благој Бочварски, министер за транспорт и врски.

Македонија и Грција активно работат на усогласување и забрзување на постапката за отворање на граничниот премин Маркова Нога, изјави градоначалникот на Ресен, Живко Гошаревски, по вчерашната средба со колегата од грчката страна Панајотис Паскалидис. Средбата се одржа на самиот премин, а двете делегации ги договорија активностите што следуваат во текот на целата година за рампата да се дигне што побрзо.

„Има голема активност од двете страни. Мора прво да се урбанизира, да се направат конечни проекти со одобрение за градба, па да се усогласат катастарски. Предвиден е состанок на работните групи во средина на март во Солун, кога ќе се дефинираат сите детали. Очекувам сите технички работи да завршат до октомври, кога ќе се знае и вредноста на целиот проект и финансирањето со помош на Европска Унија“, изјави Гошаревски .

Поради коронакризата беше одложен дел од средбите помеѓу претставници на министерствата за надворешни работи на Северна Македонија и Грција. Во меѓувреме, македонската страна продолжи со тековните работи за санирање на свлечиштето на патот кон границата.

Останува најавата дека ЕУ ќе помогне финансиски во средувањето на граничниот премин. Уште пред пандемијата беше најавено дека беа обезбедени 4,5 милиони евра за отворање на преминот, а преку ЕУ фондовите до крајот на 2020 беа предвидени други 45,5 милиони евра за соработка на општини од двете страни на границата. Но, пандемијата одложи голем дел од активностите.

Рампата на овој граничен премин е спуштена 53 години. Преку Маркова Нога-Герман некогаш се минувало само со лична карта, но во 1968 година беше затворен. Последното село на македонска страна Долно Дупени тогаш имаше 700 жители, а денес ни 100. Најблиското село од другата страна е Раби на два километра. Но, за да се стигне дотаму, се вртеше преку граничниот премин Меџитлија дури 100 километри, а со пандемијата и таму е забранет преминот за наши државјани.

Додека жителите од Преспа очекуваат да се пушти Маркова Нога, веќе седум месеци е затворен преминот Меџитлија поради пандемијата, па трпи локалната економија и замреа патувањата, дружбите и прекуграничната трговија.

Извор: https://sdk.mk/index.php/dopisna-mrezha/vo-mart-ke-se-dogovaraat-detalite-a-do-oktomvri-treba-da-zavrshat-site-tehnichki-raboti-za-otvorane-na-granichniot-premin-markova-noga/

 Ноќеска вандалски е уништен симболот со буквите БИТОЛА, во паркот кај Градскиот часовник.