За претседател на Извршниот Одбор на Здружението на пензионери во Битола е избрана Даница Петличкова, која е и прва жена поставена на оваа позиција во ова битолско здружение. Петличкова на чело на Извршниот одбор одаѓа по ненадејната смрт на досегашниот претседател Томе Димитровски. Таа беше еден од најблиските негови соработници во Здружението на пензионери, а во текот на работниот стаж извршуваше неколку менаџерски фукции во здравствените установи во градот.  

Денеска во Битола има 42 новозаболени од КОВИД-19 и 80 оздравени. Во денешниот извештај на Министерството за здравство се регистрирани и 4 починати лица, кои битката со вирусот ја изгубиле во домашни услови, а оваа бројка е за цел април. Инаку во изминатите 24 часа нема починати во Клиничката болница. Вкупно има активни 1018 случаи

Како што опаѓа бројот на заболени деновиве во Битола,  се намалува и притисокот во КОВИД центарот во Клиничката болница, каде вкупно се хоспитализирани 110 пациенти. Во изминатите 24 часа имало 11 приеми, а испишани биле 17 пациенти. Денеска нема починати од последици предизвикани од коронавирусот.