АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 23, 2025
Анета Блажевска
Времето денес (23.06.2021 год.): Сончево и многу топло со мала локална облачност. Ќе дува слаб до умерен ветер од северен правец. Попладне ќе има услови за локална појава на краткотраен дожд и ретки грмежи. Максималната температура ќе биде во интервал од 32 до 39 степени. УВ=9
Владата го намали ДДВ за струјата од 18 на 5 проценти
Јуни 22, 2021На вечерашната 81 седница, Владата го утврди текстот на Предлог-законот за изменување и дополнување на Законот за данокот на додадена вредност.
ОБЈАВЕН ЈАВНИОТ ПОВИК ЗА ДОДЕЛУВАЊЕ ФИНАНСИСКИ СРЕДСТВА НА СПОРТСКИ КЛУБОВИ, СПОРТСКИ ЗДРУЖЕНИЈА И СПОРТИСТИ
Јуни 22, 2021
Општина Битола го објави јавниот повик за доделување на финансиски средства од буџетот на општината на спортски клубови, спортски здруженија и спортисти за 2021 година.
Стотина ракети вчера не успеаја целосно да ги уништат градоносните облаци низ Пелагонија (видео)
Јуни 22, 2021За неполн час вчера биле употребени 49 ракети врз градоносните облаци во Пелагонија и 34 во Битолско-Демирхисарскиот регион, но, од Управата за хидрометеоролошки работи велат дека поради високите параметри било невозможно да се спречи појавата на град. Сепак, со ова авионско засејување беше намален интензитетот на овие обалци, што значи штетите предизвикани врз земјодлеските посеви можеа да бидат уште поголеми без авионското засејување.
Општина Битола активно вклучена во проектот „Регионално учење за имплементација на Агенда 2030 во Југоисточна Европа“
Јуни 22, 2021Признанието Библиотекар на годината за Фатма Бајрам Аземовска од Битолската библиотека
Јуни 22, 2021Признанието библиотекар на годината „Павлина Цунева Маказлиева“ за врвни достигнувања од областа на библиотекарството и информациската дејност од јавните библиотеки, за 2020 година ѝ се додели на м-р Фатма Бајрам Аземовска, библиотекар во НУУБ "Св. Климент Охридски", Битола.
Имаше 16 критериуми по кои се водеше стручната жири комисија за доделување на наградата, а Бајрам Аземовска ги исполнуваше сите. Еве дел од критериумите: број на реализирани проекти во библиотечно- информациската дејност, користење на информациска и комуникациска технологија во ширењето и збогатувањето на библиотечните услуги, континуитет во унапредувањето на библиотечно информациската дејност, поттикнување навики за читање кај децата, број на објавени научни и стручни трудови од областа на библиотекарството и друго.
Таа беше првиот магистер по библиотекарство во земјава, која постипломските студии ги заврши со оценка 10 на Педагошниот факултет во Скопје. Како вработена во Битолската библиотека вклучена е во многу активности, истражувања, а секојдневно придонесува и за популаризација на книгата и Битолската библиотека.
КУД „Илинден“ од Битола ја започна концертната сезона
Јуни 22, 2021КУД Илинден Битола на 20 јули, во неделата, ја започна своја концертна сезона со големиот концерт кој се одржа во прекрасниот амбиент на Пациото на Завод и Музеј Битола и на кој настапија над 140 членови од овој ансамбл.
“Навистина сум горд на моите Илинденци што ја продолжуваат 66 годишната традицијата на нашето друштво и во квалитет и во квантитет, совладувајќи ги сите предизвици продолжувајќи да бидат горди чувари на македонската традицијата” - истакна на почетокот на концертот Антонијо Димитровски, претседател на КУД Илинден Битола.
На концертот настапија шест детски групи, како и дел од Главниот фолклорен ансамбл.
„На програмата имавме ора од сите краеви на Македонија: Шетано, Пајдушко, Белчишко, Буките, Црногорка, Ситна Лиса, Сплет на игри од Источна Македонија…што е само дел што овој ансамбл го негува на својот репертоар. На сцената продефилираа околу 140 членови на Детскиот и Главниот фолклорен ансамл, како и членови на оркестарот” изјави Александар Стефановски, уметнички раководител на КУД Илинден Битола.
Инаку, овој концерт е увертира на бројните активности на КУД „Илинден“, со кои ќе ја слави уметноста на фоклорот и традицијата кои се планирани до крајот на календарската 2021 година.
“Овој концерт донесе многу ентузијазам, позитивна енергија, но пред се мотивација после навистина комплексниот период зад нас, предизвикан од здравствената криза и пандемијата, така што ова лето да имаме навистина богата програма и врвно претставување на сцените низ државата и она најзначајното на светската Фоклоријада во УФА Русија” - изјави Борче Димитровски, потпретседател на КУД „Илинден“ Битола.
На почеток на јули КУД „Илинден“ заминува на најзначајниот фолклорен настан во Светот - 6 тата Светска фолклоријада во Уфа, Русија, во организација на ЦИОФФ, каде ќе биде претставник на Македонија, заедно со врвни фолклорни ансамбли од преку 60 држави од целиот свет. На агендата на КУД Илинден, по завршувањето на Фолклоријадата во Русија е планиран музичко сценскиот проект "Приказни од чаршијата" кој ќе биде дел од официјалната програма на фестивалот ЛОКУМ ФЕСТ во Битола, а кон крајот на месец јули традиционално со Комитското ќе го отвори републичкиот фестивал на народни песни и игри Илинденски денови, каде ќе се претстави и со сценската адаптација Цапарските бабари. Во текот на летниот период е планиран специјален настан по повод промоцијата на најзначајниот пишан документ - Монографијата "65 години КУД Илинден Битола", како и настап на фестивалот "Чувари на традицијата" во Вевчани. Исто така планирани се концерти и настапи во Крушево, Демир Хисар и Охрид.
Најчитани
