Денеска во Битола се регистрирани 5 позитивни на КОВИД-19, а има 126 активни случаи. Во  болницата во Битола се хоспитализирани 21 пациент позитивен и суспектен на КОВИД-19.

36 годишниот Горан Јосифовски, познат музичар, поранешен член на групата "Екстра бенд" е битолчанецот кој рано утрово загина во тешка сообраќајна несреќа на патот Битола Прилеп.

На седумнаесети февруари 1946 година, во салата на Градскиот народен одбор во Скопје, на повик на Акциониот одбор за основање на Здружение на професионалните новинари на Народна република Македонија, се состанаа новинарите од следниве скопски редакции: “Нова Македонија”, „Трудбеник”,„Единство”, Радио Скопје и дописништвото на агенцијата Танјуг и го основаа првото здружение на новинарите во историјата на Македонија. Основано е на 17 февруари 1946 година во Скопје како Здружение на професионалните новинари на Народна Република Македонија.

После дискусијата за претседател на Здружението на новинарите на Македонија едногласно беше избран Мито Хаџивасилев – Јасмин, одговорен уредник на „Нова Македонија”. За потпретседатели се избрани Асен Тодоров, уредник на дописништвото на „Танјуг” и др Пиетро Јанура, одговорен уредник на весникот „Фљака е влазримит”, за секретар Дејан Алексиќ, раководител на дописништвото „Танјуг”, а за благајник Тошо Шкартов, член на редакцијата „Нова Македонија”. Собранието избра Пленум, Надзорен одбор и Суд на честа. За почесни членови едногласно беа избрани: Димитар Влахов, др. Павел Шатев, Бане Андреев, Алексо Муртаклов, Димитар Поп Ефтимов, Киро Миљовски, Веселинка Малинска и Љиљана Чаловска..”.

(Извадок од монографијата „Сребрен јубилеј на СНЈ“ – Сојуз на новинарите на Југославија)

Како дел од проектот „РомАБЦ“ за Западен Балкан, кој е финансиран од програмата Еразмус+, во делот за образование за возрасни, ООУ „Св. Климент Охридски“- Битола и „Сумнал“ здружението за развој на Ромската заедница реализираа средба со членови од локалната заедница заради формирање на неформална мрежа за образование на возрасни. Средбата беше онлајн на платформата Zoom.

Целите на проектот се спроведување на курсеви за образование на функционално неписмени возрасни Роми, нивна едукација и зголемување на нивната вработливот. До сега во склоп на проектните активности направено е истражување врз основа на кое се прилагодени Курикулум и Прирачник за обучувачи, а како иновација од проектот произлезе Практикумот со вежби кој е направен заедно со наставниците од училиштето за образование за возрасни од Белград- Бранко Пешиќ, кој воедно се и координатори на проектот. Практикумот е преведен на три јазики српски, македонски и англиски јазик.

На средбата беа присутни претставници од невладиниот сектор, Агенцијата за вработување, училишта, градинки, Бирото за развој на образованието, Педагошкиот факутет од Битола, Општина Битола и други институции кои го дадоа својот придонес кон понатамошната реализација на проектот. Оваа мрежа има улога да ги поддржи проектните активности и да ја помогне понатамошната реализација. Средбата беше предводена од страна на проектниот тим и тоа Гордана Анастасова- Директор на ООУ „Св. Климент Охридски“- Битола, Фатма Бајрам Аземовска- претседател на НВО Сумнал, Виолета Стевановска- координатор на проектот од ООУ „Св. Климент Охридски“- Битола и Викторија Михајловска - тренер од НВО Сумнал.

Претставени и образложение беа Курикулумот и неговата примена, Прирачникот како, Практикумот со вежби од мајчин јазик, математика, ИТ вештини, учење на различни места и учиме како да учиме, како и начинот на реализација на курсевите за возрасните Роми. Оваа проблематика, која е доста актуелнa, поттикна дискусија кај присутните, со што сите дадоа идеи, предлози и заклучоци кои проектниот тим ги запиша и изведе заклучоци, кои ќе бидат во насока на подобрување на горенаведените документи како и самите курсеви за Ромите.