Додека Битола е зафатена повторно од голем иселенички бран, Интимен театар поготви премиера која раскажува за желбата на група млади луѓе да останат во родниот град. Претставата „Леонс и Лена“ работена по пиесата на Бихнер содржи и документарни материјали извлечени од приватниот живот на актерите Никола Стефанов, Валентин Дамчевски, Анастазија Христовска и Антонио Китановски, а сетоа тоа во режија на Софија Ристевска- Петрушева.

„Одиме контра тој огромен бран што во моментот постои на заминување, на емигрирање, фаворизиорање на Европа и другите држави од западниот свет. Претстасвата зборува за желбата на луѓето да останат во нашиот град, обратно од сите што се иселуваат. Нашиот град е напуштан масовно и не само тој, туку од цела држава луѓето заминуваат, по коронавирусот уште поголем е тој бран на заминување. Ние сакаме да кажеме дека останувањето е исто толку важно и животот на луѓето може да биде активен и квалитетен и во нашата средина. Можноста да сте свои во својот свет и да не си емигрант е многу важно во овој момент. Да се издига оваа идеа на пиадестал, а не само идејата за заминување и напуштање да биде доминатна“, рече Ристевска -Петрушева.

Ова е прв проект на „Интимен театар“ кој е финансиски потмогнат од Министерството за култура во последните четири години.

„Важно е што во овој проект ангажиравме млади луѓе кои не се вработени, се на слободна пракса зашто пандемијата ги постави на маргините бидејќи целиот пазар се затвори. Целиот буџет што го добивме успеавме да го влееме во независната сцена која постои во нашиот град“, рече режисерката.

Актерот Валентин Дамчевски изјави дека Интимен театар е местото што ги отвора вратите на младите артисти и му дозволува да ги третираат проблемите од нивните гледишта, да зборуваат и за нив.

„Важно е што Министерството го одобри овој проект и го финансираше зашто во еден момент нашиот театар се почувства дека оди во некаков колапс и многу важно е што ги добивме овие пари зашто младите луѓе кои живеат тука треба да бидат задржани“, рече Дамчевски.

Со по 20 гледачи во публика, со запазување на сите протоколи, претставата ќе биде одиграна пет пати на 20, 23,25,27 и 30 јуни во Интимен театар со почеток од 20 часот.

Со цел на едно место граѓаните да добијат повеќе услуги од дражавните институции, во Битола денес е отворен центар за јавни услуги „Една точка за услуги”, проект на Министерството за информатичко општество и администрација. На овој начин треба да се поедностави пристапот на граѓаните до вкупно 64  услуги на Министерствата  за внатрешни работи и  за транспорт и врски, Управата за јавни приходи, Агенцијата за катастар на недвижности, Агенцијата за вработување, Министерството за труд и социјална политика, Централниот регистар, Фондот за здравствено осигурување, Управата за водење матични книги, Фондот за пензиско и инвалидско осигурување. 

На неколку часа пред натпреварот на ЕУРО 2020 помеѓу Македонија и Украина,  атмосферата во Букурешт е вжештена. Голем број Македонци заминаа за Романија да ја бодрат од трибините македонската репрезентација. Навивачките табори, меѓу кои најмногубројни се битолчани, се вистински хит во Букурешт, каде од синоќа се веат македонски знамиња, се пеат македонски песни, се играат македонски ора, а ечи и „Битола мој роден крај“.

Бројни телевизиски екипи ги снимаат македонските навивачи низ главниот град на Романија, а нашите кои заминаа да го следат овој важен натпревар за Македонија, велат дека доживувањето е исклучително.

-Атмосферата е подигната на највиско ниво, спремни сме да им дадеме поддршка на нашите репрезентативци, а ова е доживување кое ќе го паметам целиот живот, вели битолчанец кој вчера замина за Букурешт.

Натправерите на ЕУРО 2020 можат да ги следат вакцинирани граѓани или пак со негативен ПЦР тест, кои добиваат алки како доказ за тоа.

Багодарние на нашите сограѓани кои се дел од фудбалската еуфорија во Букурешт, на читатлите на апла.мк им ја пренесуваме атмосферата од Букурешт преку неколку аматеркси видеа и фоторгафии. На првиот натрпеавар на трибините имаше над 4000 македонски навивачи, денес се очекува поголема бројка