Со традиционалниот прием на претставници од општинската организација на Сојузот на борци, во кабинетот на градоначалникот Тони Коњановски, започнаа денешните настани за одбележување на Денот на ослободувањето на Битола.

Настаните од општинската програма по повод денешниот празник продолжија со положување на свежо цвеќе пред Споменикот на НОАВМ пред Центарот за култура и Споменикот на народниот херој Стив Наумов. Пред спомен обележјата, почит оддадоа, градоначалникот на општина Битола, Тони Коњановски, Министерката за култура, Бисера Костадиновска Стојчевска, претставници на Советот на општината, Сојузот на борци, претставници на збратимените градови Епинал, Пожаревац и Осиек, како и претставници на политичките партии. На партизанските гробишта, свежо цвеќе положи заменик градоначалникот Бојан Бојкоски.

 

„Денес, кога одбележуваме 79 години од ослободувањето на Битола, со голема почит, кон луѓето кои ги дале своите животи за денешната слобода, горди сме на значајните културно – историски вредности кои ги поседува нашиот град, што уште повеќе ја зголемува должноста, да направиме многу повеќе за напредокот на Битола. Наша обврска е да продолжиме да го градиме најубавиот град, да ги подобруваме условите за живот на сите граѓани, а пред се да бидеме мотив за творештво и работа на младите генерации на овие простори. Затоа, како локална самоуправа и дејствуваме во таа насока, преку реализација на бројни проекти и зајакнување на меѓународната соработка, со цел зголемување на можностите за инвестиции,

напредок и развој.

По повод 4 Ноември, Денот на ослободувањето на градот Битола од фашистичкиот окупатор, министерката за култура, Бисера Костадиновска – Стојчевска положи свежо цвеќе на споменикот на паднатите борци од НОАВМ во с. Лавци.

Исто така, заедно со градоначалникот на Битола, Тони Коњановски, и претседателот на Сојузот на борци од Битола, Стефан Бошков, положија свежо цвеќе на споменикот на НОАВМ на плоштадот “Гоце Делчев” и на споменикот на револуционерот Стеван Наумов – Стив.

Го честитам големиот празник 77 -години од ослободувањето на Битола, посакувам добро здравје до сите мои сограѓани, посакувам поубава и посреќна Битола, заеднички да изградиме еден убав дом за сите нас. Да ја вратиме насмевката и довербата меѓу луѓето. Да си подадеме рака, тоа е она што искрено го посакувам, рече градоначалникот Тони Коњановски во честитката за 4 Ноември.  

Запрашан како се чувствува во реставрираниот Офицерски дом рече убаво и дека местото му ги враќа спомените од дестството кога со армоникашкиот оркестар „Стив Наумов“ учествувал на некоја манифестација. 

„Секако на Домот мора се даде добра намена, да продолжи да опстојува на добробит на сите и ќе ја продолжиме заштитата“, рече Коњановски. 

 Тој заедно со претседателот на ОК на ВМРО-ДПМНЕ и советник Пеце Милевски присуствуваа на одбележувањето на 4 Ноември.