Државниот завод за статистика вчера објави дека инфлацијата за месец јули изнесува 8,4 отсто во однос на истиот месец минатата година. Тоа е скоро двојно пониска стапка на инфлација од онаа што ја имавме во месец јануари оваа година кога таа изнесуваше 17,1 отсто.

Инфлаторната спирала пикот го имаше кон крајот на минатата година кога во месец декември изнесуваше 19,5 отсто, а оттогаш наваму е во постојан пад. Високата стапка на инфлација сериозно удри врз економскиот стандард на граѓаните.