АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 22, 2024
Закон за основање Медицински факултет во рамки на УКЛО Битола влегува во собраниска процедура
Февруари 28, 2024Комисијата за образование , наука и спорт беше усвои потребата од донесување на Предлог на закон за основање на Медицински факултет во состав на Универзитетот „Свети Климент Охридски“ – Битола.
Предлагачи на овој закон се пратениците од редовите на СДСМ:
1. Ненад Коциќ
2. Жаклина Лазаревска
3. Бети Рабаџиеска Наумоска
4. Миле Талески.
Во образложението пратениците наведуваат дека со основањето на Мединцински факултет како единица во состав на Универзитетот „Св. Климент Охридски" во Битола ќе се постигне висок степен на образование и обука за студенти кои ке станат лекари, обезбедувајќи ги потребните знаења и вештини, придонес во истражување и иновации во областа на медицината што може да вклучува нови технологии, лекови и терапии повлекување на истражувачки проекти и активности што ке придонесат кон напредокот на медицинската наука и пракса.
Создавање на квалитетни здравствени услуги преку обучени и компетентни лекари за подобрување на здравјето на населението.
Исто така ке се придонесе во создавањето на нов и стручен кадар, подобрување на
здравствениот систем и одржување на високи стандарди за образованието, етиката и праксата во областа на медицината.
Овие цели помагаат во изградбата на квалитетен медицински систем и
обучување на лекари кои можат да одговорат на здравствените потреби на
заедницата и заедно создаваат здравствен систем што не само што ке ги обучува следните генерации на лекари туку и активно ке придонесуват кон напредокот и здравјето на општеството.
Бараме Факултетот да почне со работа од академската 2024/2025година , а предлагаме единици во состав на Факултетот да се :
1.Отсек Општа медицина;
2.Отсек Стоматологија;
3.Отсек Фармација и
4. Висока медицинска школа.
Наставните бази на Факултетот предлагаме да се:
1. Клиничка болница Битола
2. Специјална болница за кардиолошки заболувања„Свети Стефан“ Охрид
3.Специјална болница за ортопедија и трауматологија „Свети Еразмо“ Охрид
и
4.Специјална болница за нефрологија Струга
Костадиновска-Стојчевска: Со студентски попуст од 50 проценти, културата е подостапна за младите од УКЛО – Битола
Февруари 05, 2024
Министерката за култура, Бисера Костадиновска-Стојчевска,и претседателот на Студентското собрание на Универзитетот „Свети Климент Охридски“ во Битола, Борис Гушевски потпишаа Меморандум за соработка меѓу двете институции, со кој се овозможува студентски попуст од 50 проценти на влезниците во сите национални установи од областа на културата.
„Со оваа значајна иницијатива за студентски попуст во сите национални установи што се под надлежност на Министерството за култура, овозможуваме културните настани да се подостапни за студентите, како и да обезбедиме поквалитетен студентски живот и подигнување на нивниот стандард“, рече Костадиновска-Стојчевска, на потпишувањето на Меморандумот на што присутни беа и ректорот на Универзитетот, проф.-др Игор Неделковски, и проректорите Горан Илиќ и Јасмина Буневска-Талевска.
Костадиновска-Стојчевска посочи дека иницијативата ќе се прошири и за средношколците, а дека во приоритетите на професорскиот кадар и на политичарите е да обезбедат услови за младите да останат во државава. „Наша должност е да обезбедиме иднина за младите и да понудиме можности за нивен развој уште на почетокот на нивното образование“, рече министерката за култура, која додаде дека младите остануваат во фокусот на нејзиниот мандат.
Имено, со измените на Законот за игри на среќа е превидено да бидат пренасочени средства во фонд за заштита на културно наследство, па затоа Костадиновска-Стојчевска додаде: „Со измените на Законот се предлага стипендирање на дефицитарни кадри на групи од Филозофскиот факултет во Скопје, и тоа од областа на историјата на уметноста, археологијата и етнологијата, одредени наставни групи на ликовна академија и архитектура, односно кадри за кои постои дефицит во нашите установи од областа на заштитата. Доколку има вакви групи и на Универзитетот во Битола, ќе пристапиме кон дополнување на предлог-измените на овој закон, кој го помина првото читање во собраниските комисии“, рече Костадиновска-Стојчевска, која потсети дека Владата во изминатиот период стипендираше и студенти по македонски јазик, особено во наставна насока, поради дефицит на кадар во оваа област.
Како добра мерка за младите да останат во државава и полесно да добијат можност да бидат дел од националните установи од културата, Костадиновска-Стојчевска го спомена и Предлог-законот за култура, со кој, како што рече, се предвидени категории на работни места без работно искуство.
Инцијативата за студентски попуст во националните установи од културата започна со потпишување на Меморандумот за соработка со Универзитетското студентско собрание при Универзитетот „Св. Кирил и Методиј“ во Скопје, а поради добрата практика, министерката за култура изрази надеж дека и студентски собранија на другите универзитети ќе ја прифатат оваа мотивирачка мерка.
Третата група студенти од УКЛО ја започна праксата во општинските установи
Септември 05, 2023За осум години преполовен бројот на битолчани кои студираат во рoдниот град- УКЛО со засилена кампања за нивна мотивација
Јуни 20, 2023Во академската 2013/2014 година имало 488 бруцоши од Битола и 328 од Прилеп, а годинава 296 запишани битолчани, а 181 прилепчанец, објави Факултети.мк.
Најчитани
