Пороен дожд, грмежи и град најавуваат од Управата за хидрометеоролошки работи во попладневните часови.

8000 операции на очи и неколку стотици илјади прегледи во текот на својата лекарска кариера извел признатиот битолски очен лекар, примариус Димитар Котевски, кој вчера почина на 92 години. Позади себе остави големи постигнувања од областа на медицината и науката со кои се впиша меѓу значајните личности на Битола и Македонија. Персоналот го памети како лекар кој меѓу операциите збирал сила рецитирајќи стихови од Шекспир, Гете, Хајне и други, а во операционата сала со својата умешност и знаења на многумина им ја вратил виделината.

Со коњ и мазга, од Битола до Солун,  на пат долг 240 километри  утрово тргнаа  францускиот дипломат и писател Емануел  Рембер и  новинарот и историчар Емануел Ешт, придружувани од  битолскиот професионален  водич Петар Нолев.

Дворот на Офицерски дом во Битола станува бесплатен паркинг. Во последно време таму расте бројот на паркирани возила. Некои битолчани во  кругот на оваа споменична  целина си најдоа широко поле за да ги паркираат возилата без да платат. На местото каде што некогаш беше летниот ресторан и се одржуваше  фестивалот "Серенада на Широк Сокак"  сега се паркираат коли. Нема информација дека некој до сега бил казнет, нити некој ги попречил во намерата.

Денес во 92-та година од животот почина примариус д-р Димитар Котевски. Погребот ќе биде утре (недела - 03.06) во 13:00 на Светонеделските гробишта. Останките ќе бидат изложени од 9:00 во црквата Свети Димитрија.

Невреме, со обилни врнежи од дожд и град, го зафати Ресен и Преспа попладнево. Двапати за само еден месец овој регион е погоден од вакво невреме, а се очекуваат големи штети кај јаболкниците. Овошатрите стравуваат дека родот ќе се преполови и  бараат субвенци за заштитни мрежи над јаболковите насади или повторно во употреба да се вратат градобијните ракети, затоа што Преспа во последните години често има врнежи од град, кои ги уништуваат јаболкта

Не со магаре, туку со мазга и коњи, поради нивната поголема издржливост, ќе се изведе Маршот долж линијата на Македонскиот фронт. Во патувањето ќе учествуваат францускиот дипломат и писател Емануел Рембер и новинарот и историчар Емануел Ешт придружувани од планинарскиот водич Петар Нолев од Битола.

Битолската градоначалничка Наташа Петровска ѝ го честиташе бронзениот медал на  светската рекордерка Оливера Наковска Бикова, освоен на Светското првенство во Чеонгју, Јужна Кореја, што се одржа од први до 12 мај.

Клиничката болница од Битола ја тужи фирмата „Градски паркинзи“ поради неисполнување на обврските по договорот за одржување на пристапните патеки до паркинг местата во кругот на болницата. Во меѓувреме додека не заврши судскиот спор, со помош на Општина Битола, а во интерес на пацинетите и другите грашани, ќе се преасфалтира целиот двор пред оваа медицинска установа, соопшти за Апла.мк портпаролката на болницата, Сузана Конеска.

Засега непознато лице целосно разрушило надгробен споменик на старите гробишта кај „Св. Недела“ во Битола. Од СВР соопштија дека битолчанката Е.П.(62) во полиција пријавила дека во периодот од први до 26 мај 2018 година, на непознат начин е оштетен споменикот од нивниот семеен гроб. Во гробот биле погребани родителите на битолчанката која го пријавила случајот, а при тоа напоменала дека бетонскиот споменик е целосно разрушен.

Пред неколку години имаше и неколку други случаи кога поради семејни расправии помеѓу роднини и други кавги меѓу битолчани, страдаа надгробните споменици. Се случуваше еден ист споменик да се урива, пак гради и повторно да биде разрушен, поради ова битолчанец неколку дена чуваше стража и ноќе на старите Светонеделски гробишта во Битола.