АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Министерството за внатрешни работи го спречи одигрувањето на синоќешната претстава во Битолскиот народен театар, поради тоа што во Центарот за култура во Битола се одржуваше свеченост со висок безбедносен ризик, објави БНТ. Од Битолскиот театар настапија со силна критика велејќи дека "системот го киднапираше театарот". Вчера во Битола имаше низа свечености по повод одбележувањето на Денот на албанската азбука. Објаснувањето зошто не се одржа претставата ви го пренесуваме во целост. -"Вечерва системот го “киднапираше“ театарот, за жал вечерашната претстава "Жиголо" беше одложена иако екипата беше подготвена, а пред вратата на службениот влез на театарот имаше огромен број на гледачи желни за театар. Ја користиме оваа прилика да им се извиниме за овој немил настан и да ги повикаме од понеделник во просториите на театарот за да им ги рефундираме средствата или да им ги замениме билетите за друга претстава.
Сметаме дека е некоректно од страна на Министерството за внатрешни работи на два часа пред почеток на претстава да не известат дека настанот кој се одржуваше во салата на НУ Центар за култура Битола е од висок безбедносен ризик и да ги пломбираат вратите на влезот на Нова сцена, односно да го спречат одигрувањето на претставата.
Почитувана публико уште еднаш ви се извинуваме и ви благодариме за поддршката!, стои во објавата на Фејсбук страната на Народниот театар Битола. Текст Анета Блажевска
