АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На 16ти декември, вторник, во 20ч, во НУ Центар за Култура Битола, се случи премиерата на театарската претстава ПЛАМЕНКА, работена по романот ПЛАМЕНКА на Петре Димовски, во режија на Софија Ристевска Петрушева, а драматург на претставата е Билјана Крајчевска.
Претставата е во копродукција помеѓу Интимен Театар Битола и НУ Центар за култура Битола и е финансирана од Министерството за Култура и Туризам.
ПЛАМЕНКА е претставата за жената и војната и за тоа како жената во Битолскиот крај ги доживувала и ги преживувала сите војни, од турското робство, па се до втората светска војна и периодот по неа. Загубата на децата и семејството, загубата на домот и на слободата, како и загубата на вербата во подобро утре се главните теми врз кои е поставен наративот на Пламенка. Но тука се забележува и темата на упорноста и на непокорот, како основни карактерни црти на македонската жена што секогаш била бедем на отпорот!
Во претставата играат: Викторија Степановска, Катерина Аневска Дранговска, Маја Андоновски Илијевски, Валентин Дамчевска и Вероника Евтимова. Сценографијата е на Михаел Димитровски, костимографијата на Андреј Ѓорѓиевски, композитор Александар Талевски, а кореографијата е на Борис Богдановски.
Следните изведби на ПЛАМЕНКА беа на:
17ти декември, среда, од 20ч;
18ти декември, четврток, од 19ч. и од 21.00 човекот (имаше две изведби)
19ти декември, петок, од 20ч.
А последната изведба ќе биди на 20ти декември, сабота, од 20ч.
