Кривична пријава е поднесена и против градежната фирма „Интегра-09“ од Битола и незјиниот управител, во случајот  инвеститор, ПП (51) под соменение за сторено кривично дело „бесправно градење“, како и за надзорот на градежните работи В.Ш. (51) за кривично дело „злоупотреба на службената положба“.

Градежен инспектор од Општина Битола на 8 декември 2017 година констатирал дека во периодот од 1 ноември 2016 до 18 февруари 2017 година во Битола, управителот на „Интегра -09“, како инвеститор и В.Ш. како надзор, спротивно на одобрението за градење на станбен и деловен простор, изградиле потпокривен простор. Инспекторот донел решение за отстранување на бесправната градба.

На 31.05.2018 година, З.С. како советник-градежен инспектор, спротивно на наведената констатација и решението за отстранување на наведената бесправна градба, донел записник за извршен инспекциски надзор на наведениот објект, според кој му овозможил на инвеститорот да продолжи со градба и да се стекне со имотна корист од потпокривен простор со површина од 600 метри квадратни.

Неодамна Основното јавно обвинителство во Битола потврди дека е отворена предистражна постапка за легализацијата на бесправно изградени објекти, а исто така и градоначланичката Наташа Петровска изјави дека ОЈО изтражува нерегуларности во процесот на легализација во изминатиот период

-Има некои документи кои се исклучително контроверзни, однсоно од една страна има решение за рушење од градежна инспекција, а од друга страна решение за легализација. Исто така има легализации за кои неодамна, односно пред еден месец Обвинителство подигна документи, што значи дека ова е потврда дека не се запазувале одредени чекори при спроведување на постапките и процедуирите, рече градоначалничката Петровска во изјава кон крајот на октомври