АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2024
НА ДЕНЕШЕН ДЕН - 3 ФЕВРУАРИ
Во 1977 г. кај Македонски Брод загина генералот на ЈНА и народен херој Васко Карангелески.
Роден бил во селото Брусник, Битолско, на 7 јули 1921. Бил истакнат припадник на македонското националноослободително и комунистичко движење во Вардарскиот дел на Македонија и учесник во антифашистичката војна 1941-1944 г.
Пред Втората светска војна бил земјоделски работник. Бил член на организацијата на југословенската комунистичка младина (СКОЈ) од 1941 г. и член на КПМ од 1943 г. Бил заменик-командант и командант на баталјонот „Стив Наумов“, заменик-командант на Четвртата бригада, а потоа командант на Петтата и Седмата бригада. На крајот на антифашистичката и ослободителна борба бил командант на Четириесет и деветтата македонска дивизија на НОВЈ.
По ослободувањето Македонија од бугаро-германската окупација, дипломирал на Воената академија „Ворошилов“ во Сојузот на Советските Социјалистички Републики (СССР), ја завршил Вишата воена академија на Југословенската Народна Армија (ЈНА). Во ЈНА имал чин генерал-полковник и бил командант на дивизија, началник на штаб на корпус и на подрачје, началник на штаб на армиска област и командант на армија.
Бил член на Централниот комитет на Комунистичката партија на Југославија (КПЈ). Прогласен бил за народен херој на Социјалистичка Федеративна Република Југославија (СФРЈ) на 29 ноември 1953 г. Загинал во несреќен случај.
Подготвил: д-р Александар Литовски, историчар
Видео: „Васко Карангелевски“ светна
Септември 05, 2019Погледнете како изгледа ноќе една од најфреквентните сообраќајници во Битола по поставените 91 арматура со лед светилки.
Семафор на повик за поголема безбедност на учениците
Септември 19, 2018Дека улицата „Васко Карангелевски“ во Битола е една од сообраќајните црни точки во градот, потврдуваат и статистичките податоци на СВР Битола. Во периодот од 2003 до 2015 година на оваа улица потешко и полесно се повредени 38 пешаци, од кој голем број се деца. Речиси е невозможно безбедно да се помине улицата на пешачкиот премин кој води кон основото училиште „Елпида Караманди“, но и кон Дневниот центар за лица со пречки во развојот.
Најчитани
