Градешка река замрзна, но жителите  и потомците на мариовското село Зовиќ  се подготвуваат за големиот христијански празник Богојавление- Водици . Иако во селото има само седум постојани жители, нивните роднини од градот веќе им помагаат за да се одбележи празникот. Помладите започнаа со кршење на мразот и поставување на греди за да може да се наполни вирот со вода и да има каде да се фрли Светиот крст.