АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
За првите 10 месеци од оваа година, во делот на недозволената трговија со дрога на подрачјето на Битола, криминалистичката полиција на СВР Битола лишила од слобода 180 лица, извршила 52 претреси во куќи и станови при што пронајдени и одземени биле
марихуана, хероин, кокаин, хашиш, семки од канабис сатива, амфетамин, мешавина на тутун и марихуана, метамфетамин,
како и најразлични таблети, одреден е притвор за 11 лица.
Криминалистичката полиција на Битола има поднесено 47 кривични пријави за сторени 60 кривични дела против 62 сторители.
Поднесени се две кривични пријави по чл.95-в од Закон за опојни дроги против 4 сторители.
Поднесени се 59 барања за поведување на прекршочна постапка по чл.20 од Законот за прекршоци против јавен ред и мир, против 66 сторители.
Во делот на тешките кражби на подрачјето на Битола во евиденциите на криминалистичката полиција се забележува рапидно намалување на бројот на извршени тешки кражби, кој за овие 10 месеци изнесува 198 за разлика од истиот период од минатата 2022 година каде бројката изнесувала 648.
Криминалистичката полиција на СВР Битола и натаму продолжува да презема мерки и активности во борбата со недозволената трговија и намалување, како и успешно санкционирање на тешките кражби.
