АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јавната критика на родителката од Битола Силвана Петрова Насух за укинувањето на насоката Традициски играч и пеач во Државното музичко училиште во Битола, успеа. МОН објави конкурс во кој стои дека насоката е отворена за упис во учебната 2026/2027 година.
Силвана Петрова Насух како мајка на дете кое лани се запиша на насоката Традициски играч и пеач, бурно и аргументирано реагираше на одлуката на МОН годинава да не се објави конкурс за оваа насока, туку на секои две години. Реакцијата на Силвана Петрова Насух, аргументирана и доследна, беше широко прифатена од јавноста и поддржана. По извесен период преписки во јавноста со МОН и министерската за образование Весна Јановска, критиките вродија со плод. Во Битола и годинава децата можат да се запишат на на насоката Традициски играч и пеач во Државното музичко училиште во Битола.
Државното музичко училиште Битола објави-
Министерството за образование и наука ( МОН ), препознавајќи го огромниот интерес кај младите и важноста за зачувувањето на нашиот фолклор, со брза реакција направи измена и дополнување на Конкурсот за упис на ученици за средно образование за учебната 2026/2027 година, со што официјално го додаде и профилот Традициски играч - пејач, за што сакаме да упатиме јавна и искрена благодарност како за нивниот слух, така и за покажаната флексибилност и разбирање за потребите на нашите идни ученици.
Оваа одлука е од огромно значење за ДМУ - Битола, за градот и за сите млади таленти кои сакаат професионално да ја негуваат македонската музичка традиција, песна, игра, етнокореолошка и етномузиколошката наука.
Нудејќи три профили :
-Музичар изведувач
-Музичар теоретичар
-Традициски играч-пејач
А.Б
