-Кога  говоревме дека буџетот за 2019 година во износ од преку 30 мил евра е нереален, неостварлив, преамбициозен, со денешната завршна сметка се покажа дека сме биле потполно во право. Во 2019 година Наташа Петровска реализирала 65% од планираните расходи, односно разликата од кусокот на приходи кои не успеа да ги обезбеди во буџетот директно се одразија во реализацијата на капиталните расходи или инвестиции. Конкретно за проекти и изградба н аулици, патишта, водоводи, енергетика, и другиобјекти, изградба и реконструкција на капацитети во енергетиката, реализирано е во износ од 76.115.834,00 денари или 17,86% од планираните 426.199.456 денари, рече Николче Јанкуловски, советник од ПОДЕМ.

Од власта велат дека се исклучително задоволни од реализацијата на приходите кои се остварени претходната година, а дел од најголемите ставки се реализирани над 100 проценти, односно се прибрани повеќе средства од планираното.

-ВМРО ДПМНЕ или не знае да ги чита бројките или не знае да го види она што се работи. Тврдат сега дека кај Стадионот е слаба реализацијата, дека кај Офицерскиот дом е слаба реализацијата, дека дел од работите нема да се почнат или нема да се завршат, јас можам да кажам дека она што е почнато, оваа година ќе се дозаврши и тоа ќе бидат големи работи кои досега не се сработени во Битола. можеме да кажуваме и читаме некакви бројки 0, 2, 5 проценти но она што се работи е видливо и можат да го видат сите граѓани на Општина Битола, рече Валенти Груевски, претседател на Совет.