„Црвено или сино“, насловена според истоимената инсталација, е изложба која се занимава со прашањето на идеологијата, како општествените односи го формираат нашиот (идеолошки) светоглед, и тоа дали е возможно да ја согледаме реалноста вон идеолошката призма на капитализмот и на кој начин тоа да го направиме. Делата се настанати на две резиденции на кои авторот учествувал, едната во Виена, Австрија, а другата во Тирана, Албанија, каде и биле изложувани во периодот од 2019 до 2020 година и дела кои до сега воопшто не биле изложувани, а настанале во 2020 и 2021 година.

Никола Славевски (1989, Битола, Македонија) е визуелен уметник и политички активистист кој моментално живее во Љубљана каде и студира видео и нови медиуми на Академијата за ликовна уметност и дизајн. Студирал сликарство на Факултетот за ликовни уметности во Скопје, каде и дипломирал во 2014 година.

Во годините после дипломирањето се вклучува во мо „црвени “, југославенската секција на „Интернационалната марксистичка тенденција“.

Неговата уметничка пракса е длабоко испреплетена со други форми на неговиот јавен ангажман. Славевски е жесток застапник за класната борба: дали преку неговото творештво и изложби (кои истражуваат неелитистички перспективи за она што го нарекува „револуционерна уметност“) или преку политички ангажман (кој воглавно се фокусира на прашањата поврзани со работничката класа и маргинализираните заедници).

Отворањето на изложбата беше спроведено според протоколите и новите мерки за Ковид – 19. Влезот на отворањето на изложбата синоќа беше ограничен на групи по 5 лица, при што се проверуваат вакциналните сертификати.

Изложбата ќе биде отворена до 20.08.2021 г. од 12:30 до 20:30 ч. на Нова сцена.