Екипи на КЈП „Нискоградба“ во текот на целата ноќ без запирање беа на улиците низ Битола, а исто така со полна пареа се продолжија и денес со расчистување на снегот, соопштија од претпријатието. Од таму велат дека обилниот снег и студеното време го отежнуваат чистењето на снегот, тврдат дека со цела механизација ќе останат на терен.

„Екипите работеа цела вечер. Заедно со подизведувачите на терен беа 12 машини и камиони. Продолжуваме и денес. Се очекува врнежите да престанат попладне. До крајот на денот сите патишта ќе бидат проодни. Моментално поради континуираните врнежи нашите екипи повторно ги чистат улиците од прв и втор приоритет и локалните патишта до селата во Општина Битола“, рече директорот на „Нискоградба“, Методија Силјановски.

Поставена е фекална канализација во должина од 577 метри со просечна длабочина од 7,5 метри и атмосферска канализација со должина од 560 метри со просечна длабочина од 2,5 метри при реконструкцијата на улицата „Партизанска“ во Битола, на потегот од спојот со улицата „Васко Карангелевски“ до „Методија Андонов Ченто“.

Како што информира директорот на ЈП „Нискоградба“ Методија Силјановски ова е еден од ретките инфраструктурни случаи во Битола да се копа на толкава длабочина за да се постави канализација бидејќи во овие делови минуваат значајни каналски мрежи. Така канализационата мрежа мораше да минува под Стрежевскиот и под отворениот канал на река Курделес кој ги опфајќа атмосферските води од Брусничко- лавчанска населба 1 и 2.

„За изведба на толку големи длабини потребно е доста време како за ископите, така и за засипување на самите канали со потребно набивање и добивање на потребната збиеност. Кај други улици не сме се соочиле со такви длабочини. Мораше да се помини под каналите и да се добие стабилна подлога за да може потоа да се асфалтираат улиците и во текот на нивната експлоатација да немаме деформации во текот на следните минимум десетина години“, рече Силјановски.

Воедно, во текот на реализацијата имаше и неповолни временските услови, па се пролонгира изведбата.

Со инстраструктурните зафати се доби стабилна подлога, а се наместија и приклучоците за околните згради. Со ова минато стана проблемот што околните жители го имаа со канализацијата.

„Нискоградба со Општина Битола имаше склучено договор за изведба на приклучоците за зградите кои гравитираат кон улица Партизанска. Со изведбата на приклучоците на новопроектираната фекална и атмосферска канализација беа решени долгогодишните проблеми на граѓаните од зградите. Ова место е специфично поради длаболчината затоа имавме проблеми со постоечката фекална и атмосферска канлизација зашто враќаше и затоа се пристапи кон реконструкција и решение на проблемот“, рече Силјановски.

Реконструкцијата на улицата „Партизнаска„ во Битола во должина од 730 метри започна летово. Вкупната инвестиција е 581 000 евра од кои 355 000 евра се од Буџетот на Општина Битола. .