АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 15, 2026
Пеце Милевски - Собранието изгласа измени во законот за сообраќај - Со Б категорија ќе се вози 125 см3 моторче
Април 08, 2026Предлог законот за измени и дополнување на Законот за безбедност на сообраќајот на патиштата, денеска беше изгласан од мнозинството пратеници во Парламентот. Пратеникот Пеце Милевски ги објави измените на својот Фејсбук профил:
- Се придвидува возач кој поседува возачка дозвола од Б категорија, да има право да управува мотоцикли со автоматски менувач од категоријата „А1“ чија работна зафатнина на моторот не е поголема од 125 см³ и чија сила на моторот не е поголема од 11 kw, откако ќе наполни 23 години и минимум 5 години важечка возачка дозвола од категорија „Б“ и поседува потврда за посета на 4 часовна теоретска обука и која важи само на територијата на државата. Ова овозможува подобрување на протокот на сообраќајот во урбаните средини, особено во услови кога најчесто се јавува појавата „еден човек – едно возило“, поголема мобилност на граѓаните и полесен пристап до работни места, услуги и други активности.
Зголемената употреба на помали моторни возила ќе значи придонес во заштитата на животната средина преку намалување на емисиите на штетни гасови и намалување сообраќајниот метеж.
Новите промени во Законот за безбедност на сообраќајот на патиштата обезбедуваат поефикасен сообраќај преку зголемувањето на проточноста и намалено загадување на урбаните места со концентриран сообраќај преку подобрен квалитет на воздухот, објави пратеникот Милевски.
Инаку, согласно Европската директива 2006/126/Е3, во Европската Унија, можноста за управување на мотоцикл до 125 см³ варира во зависност од земјата.
Некои земји на Европската Унија го дозволуваат тоа под специфични услови, како на пример поседување на дозвола од Б категорија, одреден број години со Б категорија или заврушање на дополнителна обука.
Во некои на самата возачка дозвола мора да се допише посебен национален код со кој што возачот кој поседува возачка дозвола Б категорија, ќе има право да управува мотоцикл до 125 см³ од категоријата А1.
Држави каде може да се управува мотоцикл до 125 см³ со возачка дозвола од Б категорија се: Шпанија, Грција, Португалија, Франција, Австрија, Чешка, Белгија, Луксенбург, Словенија, Полска и др.
На пример, во Италија на возачите со Б категорија им е дозволено да управуваат мотоцикл до 125 cm³ без полагање дополнителен возачки испит, под услов да поседуваат возачка дозвола одреден временски период.
Ова е последниот чекор да се спаси државата - По трагедијата во Кочани се огласи пратеникот Пеце Милевски
Март 24, 2025По големата трагедија во Кочани, се огласи пратеникот Пеце Милевски од Битола, велејќи дека нема простор за импровизација, ова е последен чекор да се спаси државата и граѓаните. Реакцијата на Милевски ви ја пренесуваме интегрално. "Во деновите на најголемата трагедија и болка моите мисли ги насочив во молитва за младите души, здравје за сите повредени и поддршка на родителите.
Во битката на чесните против нечесните, мора да победи МАКЕДОНИЈА и народот.
Во најтешките моменти за Македонија се потврди една голема вистина - чесноста, правото и правдата мора да победат.
Нема друга алтернатива, нема ни милиметар простор за импровизација - ова е последниот чекор да се спаси државата и нејзините граѓани.
Никакви отстапки, никакви тетеравења, никакви шумови не треба да ја скршат решеноста и одлучноста да се излезе на крај со распаднатите институции, со разнишаната доверба и сега е време во големата болка да бидат мобилизирани сите човечки професионални, морални и етички потпори и решително чесноста да ја победи нечесноста.
Акцијата вклучува отпор, оневозможување, но тоа треба да биде и изворот на силата - да се направи СЕ и да победи чесноста.
Вие почитувани граѓани, нашите деца и сите идни поколенија и неродените, но и оние кои со сопствената саможртва се вградиле во темелите на Македонија - сите не обврзуваат решително, без двоумење, посветено и чесно да ја градиме и развиваме функционалноста на државата.", објави пратеникот Милевски на својот Фејсбук профил
Пратеникот Пеце Милевски вели дека бегалците од правдата треба да се вратат во државата и да одговараат
Март 03, 2025Директорот со кривични пријави му го „чуваше“ грбот на Мицкоски во Битола додека тој обвинуваше дека Владата е криминална
Март 16, 2023Наумовска од СДСМ: Пеце Милевски да поднесе оставка, а Обвинителството да поведе постапка за кривична одговорност
Февруари 08, 2023Интегрален текст од изјава на Жаклина Наумовска, советничка во Советот на Општина Битола
Најчитани
