Отров расфрлан во дворот и терасата на еден од сопствениците на бунгалови во викенд населбата Асамати на брегот од Преспанското Езеро, рано утрово ги вознемири камперите. Настанот е пријавен во полиција, која изврши увид, затоа што ова се повторува и никој не може да му застане на патот на трујачот, чија цел се бездомните кучиња во кампот, но истовремено во опасност ги доведува луѓето, децата и домашните миленици.

Битолчани  ќе може да чуваат повеќе од две кучиња во едно домаќинство. Уставниот суд, по иницијативата поднесена од Здружението за заштита на животните „Анима мунди“, го укина членот 106 од Одлуката за комунален ред на Општина Битола, донесена од Советот  во 2012 година, со која беше предвидено во едно семејно домаќинство да може да се чуваат до две кучиња.