Од Општина Битола велат дека Одделението за комунална инспекција и инспекција на животната средина, во согласност со Законот за јавна чистота и Законот за комунални дејности, по дојава на граѓани, во повеќе наврати реагирале на терен со соодветни законски санкции против лицата кои непрописно паркирале на тревни места и тротоари. Ова особено се однесува на просторот кај Офицерскиот дом, кој несовесните возачи го користат како паркинг простор.

Општина Битола упатува апел до граѓаните да не паркираат на несоодветни места, особено на просторот кај Офицерскиот дом, бидејќи тоа е непрописно, а се нарушува и безбедноста на граѓаните и пешаците.