АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Некои мрсат, иако според верскиот календар истиот ден е Свети Наум и се пости. Има и такви кои постат, па крај огнот мезат посни сармички, тавче гравче и друга немрсна храна. И покрај апелите години наназад од страна на свештениците дека коледарските огнови се пагански, Коледе не се пропушта. Обичајот ги зближува луѓето, посебно во денешните времиња кога модерниот начин на живеење се повеќе ги оддалечува.
Инаку, статистиките покажуваат дека и на 30 степени под нулата битолчани го чекале Коледе. Во 1967 година Битола го преживеала најстудениот јануари, кога ниските температури под нулата се задржале цел месец, поточно 31 ден. На зимата од 1967 година наликуваше онаа од 2017 година кога цел јануари скоро и да немаше денови без температурата под нулата. Температурата најниско паднала во 1979 година кога биле измерени -28 степени и во 2005 година со триесет степени под нулата, а снег најмногу наврнал во 1983 година, дури 84 сантиметри.
