„Рочиште за главната расправа е одложено бидејќи адвокатот Драги Пажиќ достави писмен поднесок и полномошно со кое го информира судот дека е бранител на обвинетиот и побара рок за подготвување на одбарана и увид во списите на предметот “, пишува во дописот на Основниот суд достевен до Апла.мк

Меѓу другото, обвинението се однесува и за негрижата за големиот кристален лустер,  кои падна од таванот и се оштети во април 2016 година, за време на третиот градоначалнички мандат на Талески. Не се знае дали  попуштиле ремените со кои беше прицврстен лустерот  или пак бил намерно оштетен од од несовесни граѓани. Објектот, со години е незаштитен, често беше мета на вандали кои ја уништија внатрешноста, прозорците и вратите.

Офицерскиот дом во Битола е изграден 1911 година и е споменик на културата од прва категорија, но денес е речиси целосно руиниран и се распаѓа. Сега битолчани очекуваат новата локална власт да ги реалзира ветувањата од предизборието и да се врати стариот сјај на овој архитектонски бисер на битолски Широк Сокак.

Единствен обвинет за негрижата на Офицерскиот дом во Битола, е поранешниот градоначаник Владимир Талески, со што нанел штета на општината. Почетокот на главната расправа е одложен за 20 декември.

По обвинението за Талески на СЈО за предметот Транспортер, во кој се товари за предизвикување  штета од 360 илјади евра врз општинскиот буџет со бесплaтниот превоз за ученици, ова е втор судски процес за поранешниот градоначалник, а обвинението овој пат  поднесено од  ОЈО-Битола е за кривично дело  „несовесно работење во службата“, по член 353 став 1 од кривичниот законик, што се казнува со затвор од 3 месеци до три години