Културно-информатичниот центар од Битола беше домаќини на повеќе од четиристотини културни и други јавни настани за само десет месеци активна работа во 2022, при што прими преку 65 000 публика , а на сценските простори на КИЦ во Офицерски дом и Кино Манаки, настапија преку петстотини 500 изведувачи од сите културни сегменти, како музичари, актери, поети, сликари, фотографери, мултимедијални артисти и др, соопшти директорката Лили Бошевска.

Воедно КИЦ Битола се појави и како продуцент на неколку важни настани, меѓународната активност со пет настани од меѓународен карактер, при што промовираа седум нови сценски простори достапни за уметниците и публиката.

„Бројките се навистина импозантни и зборуваат за една серизона динамика и културна политика и професионален капацитет на установата“, рече Бошевска.

Од реализираната програма ги издвои следните настани: концерти „Македонисимо“ на Симон Трпчевски, ,,Стабат Матер'' на Камерeн оркестар под покровителство на Општина Битола, Одбележување на светскиот ден на џез музиката со концерт на Сашо Поповски трио и изложба на Татјана Ранташа – Џезтетика, Градските приказни на КУД ИЛИНДЕН „Битола е градот“, "Св. Кирил и Методиј" на Театарската школа "Бабец" и КИЦ, V Меѓународен фестивал на кларинет и саксофон „СаксКлар“2022, „Пијано фест“ 2022, "Веселите жени од Виндзор"- Шекспир фестивал, Хармониките фестивал, „Бит фест“ Концерт на Профундус – камерен оркестар, Ревијална вечер на серенада „Ех, таа серенада“, Меѓународна ликовна изложба „Вернисаж ААМА 19“, Концерт на Дино Имери, Камерен ансамбл НОНЕТ+, „Зимска приказна“, Четврт Форум на креативните градови за филм од мрежата на УНЕСКО, Изложба на македонски и италијански уметници „Mirror Face to Face“, Изложба - Атланти и Хипербореа на Владо Ѓоревски, СЕЕ филм фестивал, ИФФК Браќа Манаки – студентска програма, Битолска современа уметност – галериска поставка, Концерт на Виенски инструментални солисти, Концерт на хорска музика - Хор „Триглав“ и многу други.

КИЦ Битола во оваа година влегува уште поамбициозно како со набавка на техника за уметничка реализација и презентации, така и со промовирање на нова современа веб страница kicbitola.mk. „Ја користиме оваа прилика да најавиме еден амбициозен проект, односно електронското списание за култура и уметност ‘Бели хоризонти’, во кое ќе бидат поместени теми од културата и уметноста, архитектурата, сликарството, литературата, со што КИЦ Битола си поставува нови предизвици и стандарди во работењето“, додадоа од КИЦ.

КИЦ Битола е поддржан со четири проекти од национален интерес од Министерство за култура од областа на ликовната уметност, интердисциплинарните уметности и меѓународна соработка, а поддршката од Општина Битола, освен во институционалниот дел доаѓа и во поддршка на повеќе проекти. Тоа се проектите за мозаиците на академик Газанфер Бајрам- 50 години од неговото трворештво, изложба по повод 55 години од творештвото на Саку Нашоку, битолски ликовен уметник, проектот за македонскиот графичар Ѓорги Чулаковски- Џото чие семејство подари дел од неговите дела, а неговото творештво ќе биде инспирација поетите да творат и „Седум по седум“ изложба на македонски и канадски автори. За проектите Министерството за култура им одбори 400 000 денари.

Она што е новитет во годинешната програмска и ресурсна поставеност на КИЦ Битола се подготовките за отворање на Туристичкиот инфо центар во рамките на Кино Манаки, активностите за туристичка промоција на Офицерски и Кино Манаки и секако Општина Битола. Ова е нова дејност на установата –поврзување на туризмот и културата во градот.

„Концептот на работа до детали го соработивме, а посебен акцент ќе ни биде промоција и развој на туризмот на локално ниво и туристичка валоризација на културните манифестации. Сметаме дека културата е атрибут кој може да биде важен колку и планината Пелитсер, па можеби спојот на културните и природните вредности можат да ја направат Битола поскаувана туристичка дестинација“, рече Тоше Ивановски, соработник за сценско- музичка дејност, а задолжен и за ТИЦ.

Бошевска е задоволна со финансиските параметри од работењето на установата.

„Задоволна сум од работењето. Кога почнав како директор на сметката имаше 100 000 денари, а сега со сите платени обврски на сметката имаме 1 200 000 денари. Сето тоа е од комерцијалните настани во нашите објекти, културни настани кои се самофинансирани од уметници и аматери“, рече Бошевска.

Со три концерти на познати македонски етно бендови „Локум фест“ со 14 издание ќе ја отвори сезоната за концерти во Битола по ковид-забраната. Од утре до петок во Пациото на Завод и музеј во Битола со почеток од 21 часот ќе настапат: на 22 јули „Чалгија саунд систем“, на 23 јули „Баклава“ и на 24 јули „Љубојна“. Концертите ќе се одржат строго по протоколите за заштита од ковид-19, а влезници можат да се набават по 100 денари за првите две вечери и 150 за завршната вечер во „Култур кафе“ во Битола, најдоцна два часа пред одржувањето на настаните. Средствата од влезниците се наменети за трошоците од организацијата на Фестивалот

Животната приказна полна страдања на Гита Калдерон, една од неколкуте Евреи од Битола кои го преживеаја Холокаустот, преточена во театарски перформанс од страна на учениците од гимназијата „Јосип Броз Тито“ под водство на професорот Никола Трајковски, ќе биде одиграна на Тумбе Кафе на 11 август годинава. Претставата е дел од четвртиот Меѓународен младински камп „Патоказ кон помирување 2019“ што од 4 до 18 август се одржува во Битола.

Оригинални цитати од Битолските фермани пишани во труско време, а преведени на македонски јазик, ќе имаат можност да слушнат гостите на годинешното 13 издание на „Локум фест- музика и традиција“ во Битола. Фестивалот започнува утре со почеток од 20, 30 часот на плоштадот Магнолија во Битола со настап на ансамблот „Македонија“. Потоа следува приказната за ориентална Битола од Васко Гичевски и за крај на вечерта настапот на грчкиот виртуоз на хармоника Танос Ставридис и групата Дром.