АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 28, 2024
Како кристалниот лустер од Офицерскиот дом да можете да го нарачате на кинескиот сајт Али Експрес. Ете, такво чувство добив додека ја слушав одбраната на Талески за време на судскиот процес за негрижата на движното и недвижното наследство во споменичната целина, позната меѓу битолчани како Офицерски или битолски Версај. Одбраната рече „лустерот како да бил непроценливо богатство, тоа не е така, тој е како и секој, но погломазен и поукрасен, денес такви се наоѓаат во слободна продажба“. Овој секојдневен лустер 43 години ја красеше балската, најакустичната, концертаната сала, ги осветлуваше забавите, матурските, концертите, настапите, ги восхитуваше генералите, виртуозите, државниците. Беше величенствен, проткаен со спомените на битолчани како гроздовите кристали.
Ексградоначалникот Владимир Талески на денешното судење во Основниот суд во Битола по обвинението за негрижа за Офицерскиот дом рече дека апсолутно не се чувствува виновен. Во главната расправа неговиот адвокат Драѓи Пажик рече дека лустерот од балската сала што во обвинението се прикажува како непроценливо богат, всушност е како и секој лустер, само поукрасен и погломазен, а такви денес има во слободна продажба.
Повторно се одложи судењето на Талески за негрижа на Офицерски
Февруари 19, 2018Екс градоначалникот Владимир Талески денеска насмеан стигна во Основиот суд во Битола на судењето за негрижа на Офицерскиот дом во Битола.Одбраната на Талески по втор пат побара одлагање на главното рочиште.
-Мојот клиент е животно заинтересиран оваа постапка да започне и заврши што поскоро за да ја докаже својата невиност, рече адвокатот на Талески, Драги Пажик по одлагањето на судењето.
Министерот за култура Роберт Алаѓозовски за Офицерскиот дом изјави:
Јануари 17, 2018Aдминистративните процедури беа отпочнати од претходно и очекуваме тие многу брзо да завршат. Проектот е изработен, ќе се направи ревалоризација и веднаш потоа почнуваме со работа зашто имаме сознанија дека објектот продолжува да се риунира. Ние парите ги имаме и веднаш ќе пристапиме кон спасување на објектот. Од Владата на Министерството за култура се префрлени 10 милиони денари за да се отпочне процесот за заштита на Офицерскиот дом.
Граѓаните на Битола јасно кажаа дека сакаат тоа да биде културен простор. Детално за тоа во чие владение ќе биде, кој ќе управува и каков тип на култура и уметнички дисциплини ќе се изведуваат останува допрва да одлучиме. Ќе се направи јавна дебата во која преку учество на граѓанирте и граѓанските асоцијации ќе се дојде до најдобриот модел во однос на тоа каков тип на култура ќе се развива„.
Талески на излегување од суд им рече на новинарите „среќни, задоволни“
Декември 20, 2017„Среќни, задоволни, видовте, разбравте“, со овие зборови им се обрати на новинарите, екс градоначалникот на Битола, Владимир Талески, по одлагањето на судскиот процес во кој е обвинет за недоволна грижа за Офицерскиот дом.
И денешното рочиште во Основниот суд во Битола беше одложено зашто бранителот на Талески според Законот за кривична постапка побара рочиштето да биде тонски снимено, а во судницата немаше улови за тоа. Неговиот адвокат Драѓи Пажиќ, кој го застапува и во обвинението за „Транспортер“, изјави дека доколку расправата почне без снимање ќе се жалат до Судот за човекови права во Стразбур.
Најчитани
