Денеска на задоволство на љубителите на скијањето започна сезоната во ски центарот Стрежево над Нижеполе. Од таму информираат дека вечерва продолжуваат  со ноќно скијање од 19.00 до 22.00 часот по цена од 400 денари за  возрасни и 300 денари деца.

Интегрално го пренесуваме одговорот на ЗК Пелагонија во врска со обвинувањата на ЈП Стрежево дека им ја загрозуваат работењето:

„Најголемиот производител на храна во нашата држава, ЗК Пелагонија АД Битола над 7 години трпи сериозни штети од недомаќинското работење на ЈП Стрежево. Над седум години раководството на ЈП Стрежево не ги почитува ниту една од постигнатите спогодби за взаемна соработка на рамнопправни односи. Дотолку повеќе што во 2019 година при постигната спогодба токму ЈП Стрежево ја блокира безпредметно сметката на ЗК Пелагонија и тоа во период на есенска сеидба која е од клучен интерес за финансиската состојба на комбинатот.

Сакаме да ја информираме јавноста и посебно граѓаните на Битола и цела Пелагонија дека одговорноста за водоснабдувањето на градот е надлежност на ЈП Стрежево, ЗК Пелагонија е економска гордост на Битола и регионот, но ние веќе не можеме да дозволиме да работиме на штета на нашата компанија.

Одговорноста за нерешавањето на проблемите на ЈП Стрежево е само во раководството на ЈП Стрежево.

Искрено нека одговори раководството зошто ја блокира ЗК Пелагонија цели 60 дена во 2019 година, за време на сеидба на пченица?

Колку затезни камати наплати ЈП Стрежево од ЗК Пелагонија?

Колкава фактура испостави за 2015 година кога не испорача вода и дали истата ја наплати од ЗК Пелагонија?“, пишува во одговорот на ЗК Пелагонија 

Раководството на Стрежево ќе ги преземе сите законски мерки и нема да дозволи земјоделците и правните лица да се соочат со рестрикции на вода, граѓаните да немаат доволно вода за пиење и да се загрози исплатата на плата на 250-те вработени, и ќе продолжи професионално и успешно да го води Хидросистемот , рече директорот на ЈП „Стрежево“, Менде Граматковски, во врска со долгогодишниот сидски спор со ЗК Пелагонија и обидите да се блокира сметката на претпијатието. 

Директорите на РЕК и Стрежево, Пеце Матевски и Менде Граматковски потпишаа договор со кој хидросистемот Стрежево ќе обезбеди 12.000.000m³ непреработена вода на годишно ниво за потребите на РЕК „Битола". Потребните 12.000.000m³ вода за 2022 година до овај момент се обезбедени во целост, соопштија директорите