Во сите одделенија во државата има значаен број на пациенти, некаде капацитетот е целосно исполнет и пациентите се праќаат во други градови, како што е случајот со пациенти од Прилеп кои се носат во Битола, рече министерот за здравство Венко Филипче. Во Битолската болница се хоспитализирани 17 пацинети со коронавирус. 

„Во Прилепската болница на Инфективното одделение нема во моментов слободни места, можат да се префрлат пациентите на некое од другите одделенија. Со оглед на тоа дека има слободни места во Битолската болница, неколку пациенти ќе се префрлат  во текот на денешниот ден. Тоа го менаџиравме утрово. Сега за сега ова не е нешто што не може да се изменаџира“, рече Филипче на денешната прес конференција.     

Денес се регистрирани 10 новозаболени битолчани што е рекорден број во последните месеци. Податокот е објавен на фб профилот на министерот за здравство Венко Филипче, како и од Институтот за јавно здравје.  Од појавата на пандемијата со ковид-19, само еднаш Битола на дневна основа имаше повеќе заболени , дури 11, инаку сите други денови бројките беа помали. Од центарот за јавно здравје во Битола, пак, соопштија дека не се десет, туку 9 заболени.  Оздравени се четворица битолчани. Од појавата на пандемијата до сега се заразиле  354 битолчани, а 84 се активни случаи.

Младинскиот културен центар – Битола (МКЦ – Битола) започна со реализација на проектот „Зајакнување на младите преку нови можности“ (YEEP). Главна цел на проектот е да се подобрат изгледите за вработување и активно учество на пазарот на трудот на ранливите и загрозените категории на млади од Битола. Процесот ќе трае три години, а ќе содржи обуки за основни животни вештини, обуки за вработливост, кариерно советување и коучинг, курсеви за стручна обука и соработка со локални институции и бизнис секторот.

Во оваа иницијатива ќе бидат вклучени:

u  Младите луѓе на возраст од 16-35 години со тешка семејна историја, социо-економски исклучени семејства (сиромаштија, невработеност, злоупотреба, употреба на дрога, криминал, миграција, болест, етничко малцинство, итн.) и млади од алтернативна грижа.

u  Бизнис секторот кој ќе биде вклучен во програмата со цел да ги развие своите капацитети за работа со млади во ризик.

u  Институциите: ЦСР- Битола и АВРМ- Битола (примарни), средни училишта, факултети, општина Битола...

Проектот „Зајакнување на младите преку нови можности“ (YEEP), се спроведува како резултат на соработката меѓу Младински културен центар- Битола и СОС Детско село од Северна Македонија. Финансиран е од три донатори (Германското сојузно министерство за економска соработка и развој (BMZ) и СОС Детски села интернационал, Фонд Херман-Гмајнер Германија (HGFD)), а се спроведува во пет земји од Западен Балкан од страна на националните здруженија СОС детски села кои соработуваат со локални граѓански организации. Проектот се фокусира врз подобри изгледи за вработување и активно учество на пазарот на трудот на ранливите и загрозените млади лица.

Откако за една година споменикот на италијанските војници во Градскиот парк во Битола два пати беше цел на вандали кои го кршеа и ја крадеа фигурата во жолто-златна боја, синоќа ова спомен обележје беше исчкртано со црн спреј.