Во изминатите 24 часа во Битола наврнаа 33 л/м2 дожд. 

Со очитување на пропишаните мерки за заштита од коронавирусот, Извршниот одбор на Здружението на пензионери од Битола го прифати извештајот за материјално-финансиското работење за првите шест месеци од годинава со оценка дека се работело економично и транспарентно. Оправдано е дека за време на пандемијата се доделени одредени донации во хуманитарни цели на пензионери со пониски лични примања.

На седницата беше донесена одлука во одредени месни заедници каде што има просторни услови да се отворат клубови на пензионери, за што ќе треба да се воспостават контакти со Општина Битола.

На огранокот на пензионери од Новаци за подобро фунционирање и подобри услови, ИО донесе одлука да им се купи фрижидер и клима.

Се прифати и иницијативата на Универзитетската библиотека ,,Св. Климент Охридски" од Битола, членовите од ЗП Битола да станат активирани членови во Библиотеката и да можат да ги користат нејзини услови. Претседателот на ИО на Здружението, Томе Димитровски, информираше дека секој вторник и четврток од 10 до 12 часот сите заинтересирани пензионери можат да се јавуваат за разни прашања и совети во Сојузот на здружението на пензионери на РСМакедонија во Скопје на телефон 023213227. Претседателот на ИО ги запозна присутните членови на ИО со доставата на огревното дрво за пензионерите согласно склучените договори.

Битолчанката Снежана  Мицкоска, дипломирана медицинска сестра вработена на Интерното одделение во Битолската клиничка болница доби пофални зборови и големо благодарност за нејзината пожртвуваност во борбата со коронавирусот токму од излекувани пацинти од Скопје. Весна од Скопје раскажувајќи го своето искуство со болеста КОВИД-19 вели дека медицински сестри трчаа во скафандери на 40 степени додека мајка и се борела за живот, наведувајќи дека е презадоволна од работата на лекарите, медицинските сестри и персоналот на ГОБ „8 Септември“, каде нашата Снежана од 10 јули беше испратена од Клиничката болница во Битола заедно со уште две медицински сестри , според системот ротација да помагаат во ковид центарот во Скопје. 

Главната медицинска сестра на Клиничката болница во Битола Радмила Бајовска вели дека е горда на својот медицински кадар и на заложбите на сите медицински сестри кои досега беа дел од тимовите на ковид центарот ГОБ „8 Септември“ во Скопје.

-На заминување, во 5 и 30 часот, рано утрото кога се испраќавме им реков-Покажете се во најдоброто светло, а нивниот одговор беше поинаку и не знаеме. Тоа е доказ за нашиот професионализам, нашата пожртвуваност во борбата со вирусот, вели Бајовска за Апла.мк.

Министерот Венко Филипче на својот Фејсбук профил го објави сведочењето на пацинетката Весна која несебично искажа благодарност за нашата Снежана.   „Медицинските сестри трчаа во скафандери на 40 степени ноќта кога мајка ми се бореше со живот или смрт. Презадоволна сум од лекарите, медицинските сестри, болничарките и хигиеничарките во ГОБ „8 Септември“. Достапни беа во секое време. Благодарност до сестра Наташа од Скопје и сестра Снежана од Битола. Таква несебична помош дадоа, немам зборови за грижата кон мене и мајка ми која има 81 година и е дијабетичар веќе 30 години. Тоа што ме мотивираше да издржам овие денови е желбата за живот, моето семејство и ќерката Мила која е во изолација 15 денови сама дома. Апелирам да носиме заштитни маски, да држиме растојание и хигиена за да се заштитиме од коронавирусот“, вели Весна. Таа, денеска заедно со мајка и Убавка, заминaa дома по 20 дена хоспитализација и лекување од ковид-19 во Градската општа болница „8 Септември“