Ресен после три и пол месеци од почетокот на кора кризата во државата со забележа првуот дијагностициран случај на КОВИД-19  во Преспа. 

-Ресен од почетокот на пандемијата го бележи првиот случај , позитивен на Ковид -19.
Во теков на денешниов ден на терен се присутни тимови од центарот за јавно здравје , кои спроведуваат епидемиолошко истражување за сите кои биле во контакт со лицето , за кое резултатот е позитивен .
Повикав итна седница на кризен штаб, за која дополнително ќе бидете известени за сите мерки и активности.
Место за паника нема. Препораките остануваат исти, мерките остануваат исти . Одржување на дистанца, носење заштитни маски, редовна хигиена, само на ваков начин ќе го победиме овој невидлив непријател .
И општина Ресен, и јас како градоначалник, но и Вие како одговорни граѓани, мора сите заеднички да дадеме се од себе за што побрзо исчезнување на невидливиот непријател од нашата општина., напиша на својот Фејсбук профил градоначалникот Живко Гошаревски

Кризата предизвикана од пандемијата со корона, не ги попречи капиталните инвестиции. Спротивно на тоа, капиталните проекти продолжија со изведба и тоа со забразана динамика. Градиме инфраструктура за сите, во вонредни околности, почитувајќи ги мерките за заштита, рече на прес конференција кандидатот зa пратиник во 5 ИЕ од СДСМ, Горан Козаров.

Од утре, 11 јуни, четврток, ќе се врши санација на пристапните патишта до акумулацијата „Стрежево“. Ќе се санира главниот пристапен пат (од информативната табла на спојот со локалниот пат Лера - Доленци до почетокот на рекреативната зона Акумулација „Стрежево“) и помошниот пристапен пат (од вливот на река Шемница во акумулацијата „Стрежево“, патот пред мостот во селото Лера кој продолжува низводно од мостот кон акумулациониот простор во насока на внатрешната линија на крајбрежниот појас).

Санацијата ќе се врши со сопствена механизација, а во соработка со локалното население и рекреативните риболовци (членови на ЗРСК РИБАР 2011 и членови на ЗРРЕСК Црна Река - 1929 од Битола). ЈП “ Стрежево “ - Битола, апелира на трпеливост и внимателно возење од страна на граѓаните.

Од денес започнува летниот режим на сообраќај на крстосницата кај Епинал. Во периодот од 10.06.2020 година (среда) до 10.09.2020 година во терминот од 19 часот до 24 часот, се забранува моторниот сообраќај со поставување на физички препреки на спојот на ул. „Димитар Илиевски Мурато“ и ул. Широк Сокак, со што се овозможува безбеден пешачки сообраќај.

Очекуваме најбрзо што е можно да отпочне рехабилитација на постоечкиот пат од Битола до Меџитлија, а кон крајот на јули или почетокот на август ќе заврши и проектирањето на обиколница со експресен пат од Битола за грчка граница, најави министерот за транспорт и врски, Горан Сугаревски во Битола.

„Во Пелагонискиот Регион силна градежна офанзива. Во моментов се гради дел од Фариш до Дреново во завршна фаза е патот. Завршен е патот од Битола преку Тополчани до Прилеп, реконструирани се 16 километри. Патот од Битола за Демир Хисар голем дел е завршен, ќе продолжат следните 20 километри да бидат завршени во следниот период. Ќе отпочне рехабилитација на патот од Битола до Меџитлија постоечкиот, очекуваме тоа најбрзо да се случи и до крајот на летото да заврши проектирирањето на експресниот пат Битола- Меџилија за понатаму да се рапишат тендери“, рече Сугарески.

И покрај пандемијата која го зафати целиот свет со корона вирусот, градежните активности во Општина Могила се одвиваат непречено почитувајќи ги сите препораки и протоколи од здравствените власти.
Општина Могила оваа градежна сезона работи на капитални проекти кои се од особено значење за граѓаните. По завршувањето на градежните активности за изградба на Мултифункционален објект во село Ивањевци, започнавме со изградба на ист таков мултифункционален објект и во населеното место Могила, соопшти градоначалничката Јасмина Гулевска. 

„Овој проект е по долгогодишно барење на сите жители на селото, а за кои досегашните градоначалници воопшто немаа слух да го реконструираат истиот. Уште од самиот почеток на мојот мандат, се заложив и ветив дека ќе изградиме нов и современ мултифункционален објект во Могила и еве веќе се започнати градежните активности за овој објект. Во рамките на овој објект ќе има мултифункционална сала за изложба и поставување на паноа, скулптури итн. Простор опремен за склопување бракови. Библиотека, канцеларија на матична служба и 2 простории за работа на невладиниот сектор.Вкупната сума за изградба на овој објект е 9.951.425 денари, финансиски средства обезбедени од Светска банка. Село Могила заслужува да има ваков репрезентативен и мултифункционален објект кој ќе биде во интерес на сите жители на селото и на сите граѓани на општината за локален културен развој на општината“, изјави Гулевска.