АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 24, 2026
Анета Блажевска
ВМРО-ДПМНЕ обвинија дека се вработил братот на градоначалничката
Јануари 29, 2018Од ОК на ВМРО-ДПМНЕ на денешната прес конференција обвинија дека по промената на власта и поставувањето на партиски кадри за директори на училиштата, во ОУ„Елпида Караманди“ во Битола како наставник по матаматика се вработил братот на градоначалничката Наташа Петровска.
„Денес ја прашуваме градоначалничката Наташа Петровска, дали е точно дека нејзиниот брат е вработен како наставник по математика во ОУ „Елпида Караманди“, веднаш по поставувањето на партиски кадар за директор на ова основно училиште. Ја прашуваме исто така, дали е точно дека вд директорката на ОУ „Даме Груев“ е сопруга на директорот на ЈКП „Комуналец“, Панде Богоевски и дали директорките на двете гимназии во Битола се исто така во роднинска врска. Зборот транспарентност го слушавме во текот на целата предизборна кампања, па очекуваме и ние и граѓаните на таков начин да добиеме одговор на овие прашања“, изјави Викторија Христовска од ВМРО-ДПМНЕ.
Телата на мајката и синот кои починаа во пожарот дадени на обдукција
Јануари 29, 2018Јавното обвинителство на Република Македонија на својата интернет страница објави дека телата на мајката и синот кои починаа во пожар во Битола ќе бидат дадени на обдукција.
Почнува реализација на проелтот „За зелена Битола“
Јануари 29, 2018ЈП Комуналец во соработка со Општина Битола и АД ЕЛЕМ Скопје – Подружница Битола, започнуваат со реализација на проектот насловен „За зелена Битола“. Со проектот предвидено е засадување на 3000 стебла садници, со што ќе се збогати зелениот фонд во општината, а истовремено се преземаат и конкретни мерки против загадувањето.
Можно е пожарот да избувнал од вклучена греалка
Јануари 29, 2018Од Противпожарната единица во Битола се сомневаат дека пожарот што утрово настанал во куќа на улица „Девеани“, а во кој изгореа мајка и 17-годишен син, можно е да бил предизвикан од вклучено грејно тело.Но сепак, точните причини ќе треба да се утврдат.
Мајка и 17 годишен син изгореа во пожар во Битола
Јануари 29, 2018Мајка и 17 годишен син изгореа во пожар во сопствената куќа што избувна околу 4 часот утрово на улицата Девеани во Битола.
Да не се жигосуваат бегалците и мигрантите
Јануари 27, 2018Битолчани денес имаа можност да испијат кафе со неколкумина мигранти и да позборуваат за нивните патешествија што ги минаа напуштајќи ги матичните земји. Неколкутемина бегалци на средбата дојдоа од прифатните центри во Табановце и Гевгелија, а не од Битола зашто во нашиот град ги нема.
Убавината на преспанската архитектура
Јануари 27, 2018Долно Дупени ги зачува старите камени градби, препознатлив белег на ахритектурата во Преспа.
Хуманитарна акција на РК "Пелистер" и "Чкембарите"
Јануари 26, 2018РК "Пелистер" заедно со навивачката група "Чкембари" ја покажаа својата хуманост на дело. Тие денеска донираа огревно дрво и прехрамбени продукти на 62 годишната битолчанка Љуба Поповска , која преживува од скромна социјална помош од 1400 денари.
Министерот без ресор во Владата на Република Македонија, Зоран Шапуриќ кој е задолжен за регулативата за подобрување на инвестициската клима за домашните претпријатија, вчера попладне ја посети oпштина Битола, и оствари средба со градоначалничката Наташа Петровска. На средбата, Петровска детално го запознала министерот со финансиската состојба во која се наоѓа општината, а разговарале и за насоките во кои е предвидено понатамошно делување со цел создавање на поволна бизнис клима за понатамошен развој и напредок на домашните претпријатија, како и за мерките кои се предвидуваат со цел подобрување на инвестициската клима за отворање на нови домашни претпријатија.
„НА КАФЕ СО БЕГАЛЦИТЕ” во Битола
Јануари 26, 2018За утре во Битола е најавен настан за размена на мислења и подигнување на свеста за мигрантите и бегалците како проект на УСАИД. Настанот „Кафе со бегалците и мигрантите” ќе се одржи во кафулето Интермецо со почеток во 11 часот.
На овој настан според најавата присутните ќе имаат можност да погледнат емотивно видео во кое неколку баратели на азил во Република Македонија ги споделуваат нивните искуствa, по што ќе се отвори простор за разговори во кои секој присутен ќе има можност да ги сподели своите ставови, мислења или стравови за бегалците, мигрантите и бегалската криза.
Целта на овој настан е да се подигне свесноста за искуствата со кои се соочуваaт овие лица за време на нивното патување, меѓу кои и потенцијалната опасност да станат жртви на трговија со луѓе, како и да се намали жигосувањето на оваа група на граѓани.
Овој прокет се спроведува од страна на Македонско здружение на млади правници во соработка со Здружението на граѓани за акција против насилство и трговија со луѓе Отворена Порта.
Најчитани
