АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2025
Анета Блажевска
Младите немаат со кого да споделат чувства, па интернетот им е ментална анестезија- јавна дебата на Про Локал во Битола
Јуни 14, 2023СДСМ го поздравува отпочнувањето на градежните активности за санација на спортската сала Боро Чурлевски за да се исполнат критериумите за играње на ракометни натпревари од Лигата на шампиони.
Уште поголемо е задоволството што градоначалникот Тони Коњановски реализира проект наследен од локалната самоуправа што ја предводеше СДСМ до 2021-ва година.
Сепак, битолчани ќе беа уште посреќни ако наместо шминка на и околу салата, градоначалникот Тони Коњановски направеше увид во изградбата на новиот спортски комплекс кој го вети во предизборната кампања. Идејното решение е избрано лани во декември, а еве и после шест месеци новиот спортски комплекс е само убава, шарена лага на Коњановски. Градоначалникот потроши над 50 милиони евра за една и пол година, а пари за нова сала не најде.
Битолчани ја знаат матрицата на ДПМНЕ. Следната година ќе се сликаат Коњановски и ДПМНЕ со камен темелникот на новата сала, па ќе дојдат избори и салата ќе ја изгради следната локална самоуправа на СДСМ што ќе ги наследи обврските. Исто како со стадионот под Тумбе кафе. Освен за шминка ДПМНЕ ништо друго не знае. Прочитани сте!
СДСМ: "Општината, тоа е Коњановски"
Јуни 14, 2023Реакција на СДСМ на соопштението на Општина Битола
Спортската сала "Боро Чурлевски" ќе се адаптира за европски натпревари, се реконструира и паркингот
Јуни 13, 2023Наставници од ОУ „Коле Канински“ одржаа ревијален натпревар заедно со учениците и родителите
Јуни 13, 2023Денес беше одржан ревијален натпревар помеѓу наставници од ОУ „Коле Канински“ и ученици и нивните родители. Како што велат наставниците, натпреварот беше организиран за симболично одбележување на крајот на учебната година.
Организатори на натпреварот беа наставникот по физичко и здравствено образование, Иван Димитровски заедно со одделенската наставничка Лидија Павловска. Во натпреварот зедоа учество и наставникот по физичко и здравствено образование, Иванчо Младеновиќ, и наставникот по англиски јазик, Боби Думевски, кој беше судија.
- Идејата се роди пред долго време пред да се реализира. Некако не се поклопуваа сите коцки, па затоа рековме натпреварот да го оставиме за крајот на учебната година и на тој начин да го одбележиме - вели Иван Димитровски. Тој додава дека родителите со воодушевување ја прифатија идејата. Заедно со наставничката Лидија Павловска организираа дел од останатите наставници кои помогнаа за време на настанот и успешно го реализираа натпреварот.
- Со наставникот Иван подолго време се договаравме и разговаравме за овој настан, меѓутоа обврските не дозволуваа да се случи порано. Мило ми е што голем дел од родителите го прифатија предизвикот и се согласија да учествуваат, и покрај многуте обврски што ги имаат - вели наставничката Лидија Павловска.
И родителите и наставниците се надеваат дека ова ќе стане традиција и секоја година на овој начин ќе се одбележува завршувањето на учебната година.
СВР Битола, до Основното јавно обивнителство Битола, поднесе кривична пријава против Д.Т.(58) од Демир Хисар поради постоење на основи на сомнение за сторено кривично дело „злоупотреба на службена положба и овластување" казниво по член 353 од Кривичниот законик.
Пријавениот Д.Т., во својство на заменик командир на Шумска полиција во Демир Хисар, во два наврати постапил спротивно на неговите овластувања. Имено, во с.Смилево и с.Прибилци биле затекнати две лица како со возила превезуваат огревно дрво без документација, но пријавениот, иако бил должен, не поднел барања за поведување прекршочна постапка против лицата, а наредниот ден им ги враќал возилата.
Кривични пријави за службеници и директори наместо проекти за развој на Битола, обвинува СДСМ Битола
Јуни 13, 2023Интегрална изјава на Ивона Трифунов, СДСМ Битола:
Кривични Пријави За Службеници И Директори Наместо Проекти За Развој На Битола!
Тоа е реалноста во Битола на чело со градоначалникот Тони Коњановски и неговата ДПМНЕ! Последниот пример со кривичната пријава за поткуп за службеник во Општина Битола е доказ дека Коњановски како прв човек на општинската администрација негува атмосфера за работа во која злоупотреби, мито, корупција и рекет се составен дел.
Коњановски ја наметна културата на неказнување и ова што денес го сведочиме е резултат на тоа. Градоначалникот повеќе од една година го толерира и ништо не презема против директорот на Јавното претпријатие Водовод, Пеце Милевски, кој има две кривични пријави за злоупотреба на службената положба. Пораката е јасна - локалните функционери и службеници кои ќе ги прекршат законите ја имаат партиската и заштитата од Коњановски.
Ги повикуваме надлежните институции будно да ги следат процесите во општината и да постапат по сите сегашни и идни дојави за незаконско работење во општината и јавните претпријатија. Градоначалникот Тони Коњановски, пак, конечно да се охрабри и да го разреши директорот на Водовод, Пеце Милевски со што ќе порача дека незаконското работење нема да го толерира, дури и кога станува збор за локалниот лидер на ДПМНЕ во Битола! Само така Коњановски на дело ќе покаже дека не поддржува незаконско работење во општината и во јавните претпријатија под општинска капа!“
Најчитани
