Министерката за труд и социјална политика, Јованка Тренчевска и претседателот на Самостојниот синдикат за образование, наука и култура (СОНК), Јаким Неделков, го потпишаа новиот Колeктивен договор.

Денеска претставници од Секторот за внатрешни работи Битола - Отсекот за компјутерски криминал, инспектори од општ и економски криминал заедно со Отсекот за превенција и Полициската станица за безбедност на патниот сообраќај одржаа средба со дел од бизнис заедницата од подрачјето на Битола.

На средбата беше разговарано за зачестената појава на различни видови измами и како да се заштитат од нив. На присутните им беше укажано дека непознати лица преку социјалните мрежи или преку нивните приватни електронски адреси таргетираат корисници и испраќаат линкови до веб страни и сервиси преку кои се ветува лесна заработка, злоупотреба на платежните картички и други измами.

Со цел да се избегнат такви сценарија, СВР Битола ги предупреди присутните на средбата и останатите граѓаните да внимаваат да не станат жртви на инвестициски измами при купување на движен и недвижен имот и сите останати измами . Исто така, беше даден совет да бидат претпазливи кон сите понуди што ветуваат нереално високи приходи за многу краток временски период – ова е првиот и најочигледен знак дека станува збор за измамнички намери.

Додека, за време на комуникацијата не треба да се даваат лични податоци, фотографии од лични документи, банкарски картички, како и еднократни лозинки за апликации за банкарство преку Интернет или други податоци за овластување на банкарски трансакции.

СВР Битола ќе продолжи со превентивните активности за спречување на измамите, но и со преземање мерки за откривање и расчистување на извршените измами. 

Во библиотеката „Св. Климент Охридски“- Битола  денеска ќе се одржи Вториот  Собир на факултетските библиотекари од Универзитетот „Св. Климент Охридски“ – Битола на тема „Библиотечната дејност на факултетските библиотеки на Универзитетот „Св. Климент Охридски“ – Битола.

На 11.10.2022 во 00.05 часот во Битола, полициски службеници од СВР Битола го лишиле од слобода С.К.(34) од Битола. Тој се сомничи дека на 10.10.2022 околу 13.30 часот во Битола прикажал порнографски материјал од својот мобилен телефон на малолетничка.

При претрес во неговиот дом, извршен со судска наредба, биле пронајдени и одземени предмети поврзани со кривичното дело.

Тој бил приведен во полициска станица и во службен разговор го признал делото. По целосно документирање на случајот против него ќе биде поднесена соодветна пријава.  

СВР Битола во изминатите неколку месеци презеде зајакнати мерки и активности за спречување на шверцот со наркотици, а статистичките податоци укажуваат на зголемена ефикасност во санкционирање на овој вид кривични дела. Имено, во месец август оваа година на подрачјето на градот Битола, полициските службеници од криминалистичка полиција при СВР Битола во делот на недозволената трговија со дрога имаат извршено четири претреси на домови, при што лишени од слобода биле 17 лица, а 3 други биле задржани во полициска станица. Поднесени биле две кривични пријави против двајца сторители, при што е одредена мерка притвор. Притоа, пронајдени и одземени се стебла марихуана, пакувања со марихуана, пакувања со амфетамин, хероин, дигитални ваги со остатоци од марихуана, дробилки со остатоци од марихуана како и други предмети поврзани со кривичните дела.

Во текот на септември извршени биле 3 претреси во домови и простории кои ги користат дилерите, при што лишени од слобода биле 22 дилери на дрога, а 4 други задржани во полициска станица Битола. Поднесени се 5 кривични пријави за шест кривични дела против пет сторители. Одреден бил притвор за тројца од нив. При претресите е пронајдена марихуана, амфетамин, хероин и други предмети со остатоци од дрога. Или, во изминатите четири месеци (јуни, јули, август и септември) при преземените мерки и активности за сузбивање на недозволената трговија со дрога лишени се вкупно 65 дилери на дрога во Битола, во координација со Јавното обвинителство поднесени се 14 кривични пријави по чл.215 од Кривичниот законик, одредени притвори за дел од нив.