АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 30, 2026
Анета Блажевска
При акциска контрола на СВР Битола во Битола , Ресен и Прилеп затекнати малолетници во угостителски објекти после 24 часот и конзумирање алкохол
На 15.07.2023 година во времето од 00:00 до 04:00 час, од страна на криминалистичката полиција при СВР Битола постапено е по план за „Безбедно Лето 2023“ при што извршена е акциска контрола за присуство на малолетници во 7 угостителски објекти за точење алкохол на малолетни лица при што легитимирани биле 50 лица и констатирано било присуство на 6 малолетници и 2 точења на алкохол на малолетни лица. Во Ресен ,полициски службеници од ОВР Ресен, во простории за забава по 24 часот и во два угостителски објекти, затекнати биле 11 малолетници .Во Прилеп ,на улица ,без надзор од родители се затекнати двајца малолетници после 24 часот при што истите се предадени на родителите.
При контролата ,во Битола, полициски службеници од криминалистичката полиција на СВР Битола од населба Карпош во Битола, го лишиле од слобода Е.М.(38)од Битола.При преглед од истиот одземена е марихуана.По документирање на настаните ќе следуваат соодветни пријави, соопштија од СВР Битола.
Паркинзи од Битола го осуди девијантното однесување насочено кон вовчето, Мечо продолжува да вози во утврдените термини
Јули 15, 2023Синоќа за време на пладневната пауза засега непознат сторител (или сторители) се обидел да го вандализира Мечо при што е направена мала материјална штета. Настанот е пријавен во полицијата чии припадници направија увид на лице место и очекуваме сторителот или сторителите да бидат пронајдени и соодветно санкционирани.
Најостро го осудуваме девијантното однесување на поединци посебно во случај кога е насочено кон Мечо чија намена е да ги радува нашите најмлади граѓани а патем со тоа никому не пречи. Возот Мечо продолжува со работа во утврдените термини, соопштија од Јавното претпријатие Паринзи од Битола.
На денешен ден е роден Панде Кајзеро, учесник во НОБ
Јули 15, 2023НА ДЕНЕШЕН ДЕН 15 ЈУЛИ
Во 1923 година, во село Лавци, Битолско е роден Панде ЈОВЧЕВСКИ-Кајзеро, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија. Потекнувал од земјоделска фамилија, а и самиот бил земјоделец. Прогресивното комунистичко движење што го имало опфатено селото Лавци, не го заобиколило и него. Од самиот почеток на антиокупаторската борба активно ја помагал. Веќе на 25 ноември 1942 г., се приклучил кон единиците на НОВ и ПОМ. Најнапред бил во партизанскиот одред „Даме Груев“, а подоцна и во одредот „Јане Сандански“. На 22 јуни 1943 г. кога селото Лавци било опколено од бугарска војска и полиција, тој заедно со Панде Ташкоски, тргнале да се вратат во партизанскиот одред, но наишле на бугарска заседа која ги раздвоила. Панде Ташкоски успеал да се пробие, а Панде Кајзеро отпочнал нерамна борба со непријателот. Успеал да ликвидира 13 или 14 бугарски полицајци и војници. Откако му завршила муницијата, со последната бомба се самоубил.
Водата во населба Баир е безбедна за пиење
Јули 14, 2023Се известуваат граѓаните кои живеат на улиците од населба Баир, ул. Мукос, ул. Девејани , ул. 8ма и сите кои поради дефект на водоводната мрежа на ден 12.07.2023, кои беа опфатени со овај дефект дека ситуацијата е нормализирана и дека водата е безбедна за пиење.
Во рамките на своите работни обврски, ЈКП„ Водовод“ Битола во својата Лабораторија изврши повеќе пати анализа на водата во водоводната мрежа која беше опфатена.
За потврда на нашите резултати од ЈЗУ Центар за јавно здравје Битола земени се примероци на вода за пиење. Примероците на вода за пиење се земени од места каде што имаше прекин на водоснабдувањето. Врз оснoва на добиените резултати, испитаните примероци на вода за пиење ОДГОВАРААТ на законските и стручни прописи во однос на испитаните параметри за бактериолошка и физичко-хемиска анализа, согласно Правилник за барања за безбедност и квалитет на водата за пиење (Службен весник на РМ 183/2018)
ЈКП Водовод
Со фудбалски шут ги ногира стреотипите за жените во спортот- Анита Гоцевска активна студентка и фудбалерка
Јули 14, 2023Коњановски на увид на градежните работи на „Копанки“-Активности за развој на туризмот на Пелистер
Јули 14, 2023Изобилство од музика и традиција на 17. Локум-фест
Јули 14, 2023Ближи 17. издание на Балканскиот етно-фјужн фестивал „Локум фест-музика и традиција“ 2023. Ќе започне на 18.07 на платото на Офицерски дом со промоција на новиот албум на групата „Баклава“ во 20.30 ч. во Офицерски дом-КИЦ Битола, а вечерта продолжува со Loxandra Ensemble - Λωξάντρα од Грција во 21.30 ч асот. Оваа година за прв пат има Локум фест-ОФФ Програма , првата вечер во Вино бар Буре на Магнолија со Баклава и гостите од Грција.
„Нашата пасија за откривање на традиционалните музички спомени и звуци на конзулска Битола, ни ги носи нашите 'битолчани' од Њујорк, Elias ladino ensemble, а соработката со Државниот архив-одд.Битола ни донесува прекрасна изложба на фотографии од музичкиот живот на битолските евреи. Втората вечер ја затвораме со познатиот македонско-словенечки мајстор на саксофон Васко Атанасовски и промоција на неговиот албум на балканска музика„Мелем“ со пеачката Добрила Грашеска“, посочија организаторите на фестивалот.
Дружбата продолжува во Хотел Театар со ладино музика, поезија, закуска, дружба...Последната вечер на 20.07 е резервирана за старата битолска чаршија каде ќе се случува фестивалското „крешендо“.
„Ќе се распостелиме покрај пешачката улица крај Драгорот, со ракотворби, локуми, турксо кафе, добра храна и радост...Ќе уживаме во мајсторијата на Вевки Амедов и неговите „Јужни звезди“, славејќи ја ромската култура, а токму оваа вечер ги имаме специјалните гости од партнерскиот фестивал Резонатор од Данска кои со поддршка на MOST music ги имаме во Битола. Групата „Ypek Yolu“ или патот на свилата е харизматична спојка на традиционална анадолска народна музика и фанк фјужн, музика која има една единствена цел-да ве разигра и опушти...Традиционално ќе се дружиме сите три фестивалски вечери со ЗУР Македонски ракотоворби , крушевски и битолски локум, со презентации на рачно изработени производи и секако кафе“, велат организатоприте.
Фестивалот се реализира со средства на Министертсво за култура, Општина Битола, Пред плус фондацијата, Амбасадата на Р.Словенија во Скопје, Генералниот конзулат на Р.Грција во Битола, КИЦ Битола како и бројни пријатели и поддржувачи.
Саат-кулата во Битола ја добива највисоката верификација и се вбројува во редот на културни добра со најголема културно-општествена важност на градот.
Најчитани
