ВРЕМЕТО УТРЕ: Сончево и топло со мала до умерена локална облачност. Ќе дува умерен ветер од северен правец. Попладне претежно во северните делови ќе има услови за изолирана појава на краткотраен пороен дожд и грмежи.

ВРЕМЕТО ВО СЛЕДНИТЕ ДЕНОВИ: До недела ќе се задржи натпросечно топло време, а попладне ќе има изолирана појава на пороен дожд и грмежи, во сабота со можна појава на град. Од понеделник времето на повеќе места ќе биде нестабилно со пороен дожд и грмежи, а локално процесите ќе бидат поинтензивни во форма на невреме. Температурата ќе биде во опаѓање.

Извор : УХМР

На Самитот за електрична енергија кој се одржува во Атина, генералниот директор на АД ЕСМ, Васко Ковачевски, се сретна со новоназначениот директор на Енергетската заедница (ЕЗ), Артур Лорковски.

Директорот Ковачевски го запозна Лорковски со предизвиците со кои се соочи државата во текот на енеретската криза, како и успешното менаџирање преку АД ЕСМ со сила поддршка од Владата на Р. Северна Македонија. Беа истакнати предизвиците кои се очекуваат во текот на годината, како и за следната грејна сезона 2022/23г.

Лорковски, од своја страна изрази поддршка за државата и за АД ЕСМ како лидери во енергетската транзиција во Југоисточна Европа и порака да се продолжи во истиот правец.

Договорена е работна средба која ќе се одржи во Скопје на крајот на јуни, на која подетално ќе се разговара за енергетските теми и проекти.

Малата Ања Гроздановски од Битола, која има пет години, на концертот на детскиот хор Ѕвончиња што се одржа вечерва во Офицерски дом во Битола, заедно со својата професорка Александра, на пијано ја отсвири Птица и со тоа се запиша како најмладата пијанистка која седнала покрај Безендорферот кој од неодамна е преселен од битолскиот Музеј во акустичната сала на обновениот Офицерски.

Малото девојче покрај својот настап на пијано, го отпеа и познатиот детски хит од СИ ДО 1994 година „Боби баш ми е гајле“.

Детскиот хор „Ѕвончиња“ под раководство на Марина Коруновска, вечерва во Офицерскиот дом во Битола го одржаа првиот концерт по 3 годишна пауза поради пандемијата. Концертот насловен „Од децата за децата“ што се одржа по повод Светскиот ден на детето, 1 јуни, а имаше и хуманитарен карактер.

Четири ученици од Основното училиште „Даме Груев“, во придружба на наставничката Соња Јанкуловска и директорката Биљана Бакиевска- Дамчевска заедно со партнерските училишта од Турција, Литванија, Финска и Италија учествуваа на проект од Еразмус мобилност во Атина, Грција. Во проектот беа вклучени учениците Симона Николовска,Сара Божиновска, Викторија Бикова и Миа Димевска.

Активностите се дел од Еразмус проектот ,, Gаме on“, кој има за цел развивање на здрави навики на живеење преку промена на начинот на исхрана, поголема физичка активност, ментално здравје и сл.Главен акцент на оваа мобилност беше ставен на физичкото здравје каде научија различни видови на спортови и кратки вежби за одржување на нивното здравје.

Познато е дека Грција е искусна во одржување на различни спортски настани, па учениците имаа можност да го сретнат олимпискиот првак, гимнастичар, Димостенис Тампакос и да поразговараат за неговите успеси, а го посетија и Kallimarmaro -единствен олимписки стадион направен целиот од мермер.

„Не смееме да ја изоставиме посетата на Акропол древна тврдина која содржи остатоци од антички градби со големо архитектонско и историско значење. Активности се реализираа и во самото училиште почнувајки од топло добредојде, работилници за физичкото здравје, драмски перфоманси , работилници за здрави диети и сл“, велат од ОУ „Даме Груев“.

Тимот од шест учесници се врати во својата земја побогати со уште едно искуство и многу заеднички пријателства.