Во дворот на општинската зграда во Новаци на 13 ноември се одржаа 21 Пелагонски културно - научни средби, според пропишаните здравствени протоколи за реализирање на јавни настани за заштита од Ковид 19.

За живот посветен на творењето и за огромното творештво создадено во неколку децении, за многубројните едуцирани студенти – Пелагонските културно-научни средби му беше доделено признание Повелба за животно дело на проф. д-р Златко Жоглев, редовен професор на Педагошки факултет Битола.

Признанието „Златен клас на македонски вознес“ за 2021г. Советот на Пелагонските средби одлучи да го додели постхумно на битолскиот и македонскиот поетски бард Панде Манојлов.

„ Почетокот на третата декада на Пелагонските средби, го обоија и разни предизвици од кој секако најзаканувачки предизвик е пандемијата со која го делиме нашето секојдневие повеќе од година и пол. Вродената искра за верба во доброто во човековата бит го движи светов и веков напред и се пројавува во сите околности. Таа искра на творечки моментум и impulsus inspirationis agens на овие Пелагонски средби се пројави во трудовите на 41 автор што се пријавија за учество на средбите. Сите автори ја имаат мојата најискрена почит за овој подвиг. За жал, ќе останеме ускратени во живо да ги слушнеме прекрасните излагања и дискусии и размена на мисли и идеи. Ќе се потпреме и ќе се радуваме на пишаната реч. Оваа година проработија веб страницата и ФБ страницата на средбите, неколку книги од неколку наши автори беа поставени на портал за слободни книги Политекон во Сиднеј Австралија, се најавуваат соработки и со други портали од други држави, така што се трасира добар пат на средбите во иднина.“ - истакна во својот поздравен говор, претседателот на Пелагонските средби, д-р Весна Калпаковска.

Традиционално, Средбите ги отвори градоначалникот на општина Новаци, Стевче Стевановски кој рече: „Сакам да се осврнам на три аспекти за значењето на Пелагонските културно-научни средби што се одржуваат и развиваат повеќе од две децении. Првата многу значајна компонента е истражувањето на културата, историјата, книжевното творештво, обичајното наследство што дава интерактивна, развојна и интелектуална димензија на општествената заедница.Вториот значаен аспект е дека општина Новаци е местото каде досега се презентирале и се презентираат достигнувања на творци од целата држава. Зголемувањето на бројот на учесниците и вклучувањето на разни области на творештвото (како наука, уметност, книжевност, археологија, историја) на Средбите во Новаци ни прави чест и задоволство. Сето ова придонесува за афирмација на нашата општина во државата и надвор од неа. Третиот значаен аспект е дека Средбите, покрај културно-научната содржина, ги афирмираат и ги поддржуваат сите творци, вклучувајќи ги и жените автори (кои во годинешната програма се повеќе од половина од сите учесници) и особено младите творци.“

Пелагонските културно – научни средби годинава се одржаа во чест на Великанот Блаже Конески неговата заложба кон севкупната наша лингвистичка,книжевна, хуманистичка култура е огромна, говор за значењето на Конески во наставата по амедонски јазик во основното образование одржа Гордана Најдовска, учител по македонски јазик и библиотекар при ООУ „Славко Лумбарковски“ во Новаци.

Според програмата на Средбите, наскоро се очекува да излезе од печат 17 по ред Зборник на на трудови од повеќе научни домени, чии автори се значајни за постојаниот развој на македонската научна мисла.

Дел од советниците од локалното советничко мнозинство во Битола предводено од ВМРО-ДПМНЕ, денес давајќи ја свечената изјава за советничката функција прочитаа Република Северна Македонија, иако во изјавата што ја потпишаа пишуваше Северна. Така изјавата ја прочита совтеничката Марица Тодоровска од ВМРО-ДПМНЕ која ја водеше конститутивната седница, а советниците повторуваа по неа. Сепак, на крај ги потпишаа изјавите со придавката северна.   

И новиот претседавач на Советот, Габриела Илиевска, при свечената изјава дека совесно ќе ги врши надлежностите како прв човек на Советот рече Република Македонија.   

Го добивме мандатот  од граѓаните со ветување дека заедно ќе ги решаваме сите прашања и проблеми. Свесно, чесно и одговорно остануваме цврсти во решеноста да бидеме сервис на граѓаните и да покажеме дека не е невозможно да бидат вклучени во функционирањето принципи кои ќе значат јасно и силно почитување на граѓаните. Ветуваме оставрување на визијата Битола да биде општина каде единствено ќе се ценат и почитуваат промените, победите и проектите. 

Запрашан дали се во коалиција со Поинаку и Левица, одговори „не сме во официјална коалиција, туку сите заедно сме во коалиција со граѓаните''. На прашањето што побараа за возврат Поинаку и Левица, за ВМРО-ДПМНЕ да го има мнозинството во Советот,  рече дека немаат разговарано, не се занимаваат со политиканство и ситни политички поделби.