За првпат во долгогодишното постоење на Фестивалот на филмска камера „Браќа Манаки“, годинешното отворање во четврток на 16 септември, нема да биде во Центарот за култура туку во Завод и музеј Битола, од безбедносни причини поради пандемијата. И покрај промената на локацијата, црвениот килим останува, ќе биде послан пред влезот на Заводот, а отворањето и проекцијата на македонскиот филм „Сестри“ ќе се случат во Пациото под отворено небо. Поради здравствените протоколи бројот на гости ќе биде намален на 250 љубители на филмот.

На шесте фестивалски дена колку што годинава ќе трае фестивалот, за два дена пократко од вообичаениот тек, строго ќе се почитуваат протоколите за заштита од ковид-19. На затворените проекции и свеченото отворање ќе може да се влезе само лица со сертификати за вакцинација или прележан ковид-19 не постар од 45 дена.

Ќе биде искористен и просторот на Киното Манаки каде жирито ќе ги гледа филмовите. Во главна конкуренција ќе бидат 10 долгометражни и уште толку краткометражни филмови. Меѓу нив два македонски филмови: „Сестри“ од отворањето, ќе се напреварува и во официјалната конкуренција за долгометражен филм, а меѓу краткометражните и филмот „Северен пол“ на битолчанаката Марија Апчевска.

Покрај лауреатот Кристијан Бегер кој во Битола доаѓа со сопругата и ќерката, ќе има уште еден добитник на животно признание, но директорот Дамевски не откри кој поради претпазливост да не се сменат плановите. Рече дека многумина филмаџии се радуваат да дојдат во Битола зашто претходно биле на фестивалот и многу убаво поминале. Битола не е позната по Шеретон, но затоа е позната по шопската салата и доматите. Странец кој бил вклучен во Фестивалот порано, рекол дека ќе земе македонско државјанство од толку што му се допаднала шопската салата додека престојувал на фестивалот во Битола. 

Во последните 24 часа се направени 4.553 тестирања, а регистрирани се 464 нови случаи на КОВИД-19:

Меѓу учесниците на третата по ред трка „Трчај бе“ што се одржа во Битола, беше и Христо Кондовски, кандидат за градоначалник на СДСМ. Изрази задоволство од учеството и посака во ваков дух и пријателска атмосфера да трчаат и на изборите.

„Задоволство ми е што втора година по ред учествувам во атлетската трка полумаратон “Трчај бе“.Прекрасна спортска манифестација, убав настан на кој уживав во друштво на семејството и моите битолчани! Среќен сум да видам колку многу луѓе се приклучија со голем ентузијазам. На Битола ѝ личат ваквите спортски настани. Посакувам токму во ваков дух и пријатна атмосфера да трчаме и на избори, сите заедно за поубава Битола“, изјави Кондовски. 

Вчера во попладневните часови на мв. Браненица во организирана акција на битолската шумска полиција беше затекнато ПМВ Рено 19 без регистарски таблици натоварено со бесправно посечени огревни дрва.

НА ДЕНЕШЕН ДЕН , 12 септември, во 1942 година, од бугарската окупаторска полиција, кај селото Болно, Ресенско, е убиен Стеван Наумов-Стив, истакнат припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.