Кандидатот за градоначалник на СДСМ, Христо Кондовски, денеска се сретна со битолските пензионери и со нив разговараше за подобрување на условите за живот на оваа категорија граѓани

„Се обврзувам како честит, искрен и човек од збор, дека сум подготвен да го направам она што го заслужува нашата Битола и вие мои битолчани! Заеднички да ставиме крај на неефективноста, безидејноста и неработењето на локалната самоуправа изминатите четири години.Како советник во Советот на Општина Битола, имав можност да бидам соочен со вашите проблемите и потреби“, рече Тони Коњановски, кандидат за градоначалник на ВМРО-ДПМНЕ и коалицијата.

Вети дека доколку стане градоначалник нема да прави селекција меѓу луѓето по никаков основ.

„Како градоначалник ќе ги вклучам сите граѓани по принцип на неселективност, без привилегираност од една страна и обесправеност од друга, со еднаков аршин и пристап кон решавање на секој предизвик, бидејќи силно верувам дека само тој е вистинскиот и единствениот начин. Професијата лекар ми дава можност, да ги сослушам луѓето, да ги согледам и анализирам нивните проблеми, да дадам вистински совет и да понудам решение за нивната мака“, рече тој.

Како стопанство во овие 20 години не сме добиле за градоначалник човек од бизнис заедницата. Таков човек многу ќе значи за стопанството зашто знаеме Битола во која фаза остана во овие 20 години, рече Мирко Велковски, претседател на Регионалната стопанска комора од Битола на денешната средба на битолските стопанственици со кандидатот за градоначалник на СДСМ и коалицијата, Христо Кондовски

„Фалат многу важни делови од ГУП-от, што побрза измена и да биде прифатена што поскоро, планови детални кои чекаат повеќе од 5 до 10 години да бидат прифатени. Инфраструктура на сите улици во Битола од кои зависи стопанството. Улицата ‘Индустриска’ која е оставена така повеќе од 20 години, а е значајна за индустријата, осветлувањето во делот на индустријата, а во втора фаза важна ни е гасификацијата на стопанството. Проектот го направија и добија дозвола само за Цермат и за Млекара на влезот од градот, мора да се а да продолжи за цела индустрија“, рече Велковски.

Запрашан како врз стопанството влијае тоа што Битола нема автопатско решение, рече дека Пелагонискиот регион дава 13 проценти од бруто домашниот производ, а во минатото процентот достигнуваше до 19, намалувањето се должи на патната инфраструктура. Бизнисмените од Пелагонија бараат автопатско поврзување на Битола-Прилеп-Велес преку Бабуна.

„Сите странски инвеститори баараат поврзувањето да биде со автопат или добар магистрален пат. Ние 20 години сме упорни и сме благодарни што се склучи договор за брз пат Дреново- Битола, но тоа не е доволно , тоа е времено за 5-6 години. Мора да почни изградба на една трајна инфраструктура кој ќе биде автопатска, ќе оди за Велес преку Бабуна“, рече Велковски.

Кондовски рече дека средбата со стопанствениците има за цел да ги слушне нивните предлози, идеи и проблеми и изрази надеж дека доколку стане градоначалник ќе најдат заеднички решенија.

„Стопанствениците се двигател на локалниот економски развој. Интерно во Битола, кажано народски, до таблите каде што пишува Битола, веќе не треба да станува збор, градот има буџет има ресурси , стабилни форми, јавни претпоријатија и подобра инфраструктура може да се направи. Тука се предвидени голем дел од проектите и сметам дека по 4 години комплетно ќе се смени сликата во тој дел на Битола. Од онаму каде што завршува таблата , каде се национални проекти јас ќе стојам рамо до рамо со бизнисмените, со сите мои лобистички ресурси , да издејствуваме и Битола да ја споиме со главниот град, со Грција онака како што доликува со автопати и брзи патишта“, рече Кондовски. 

На средбата имаше стопанственици кои се членови и симпатизери и на други политички партии, а не само од  СДСМ. 

Едно од култните места за битолчанни, чешмата кај Офицерскиот дом, повторно е достапна за жителите на Битола и случајните минувачи. 

АД ЕСМ долгорочно ќе изгради 1000 MW фотонапонски електрани како клучен дел од планот за енергетска трансформација, односно префрлање на производството на електрична енергија кон обновливи извори, изјави генералниот директор на АД ЕСМ, Васко Ковачевски на енергетскиот форум МЕФ 2021.

,,Над 70% од нашето производството во моментов доаѓа од јаглен, и тоа за нас е голем императив да спроведеме брза енергетска транзиција, но која мора да биде и праведна, односно вработените да останат во компанијата со работни задачи соодветни на промената во производството. Работиме на ширење на нашето производно портфолио, пред се во делот на обновливите извори на енергија”-изјави директорот Ковачевски.

Ковачевски потенцираше дека фотонапонските електрани ќе се градат во еден дел како сопствени инвестиции на АД ЕСМ, а во еден дел како јавно-приватно партнерство.

Покерај производните капацитети од ветер и сонце, беше нагласено и значењето на поседувањето што почисти производни капацитети за базна, балансна енергија, за што беа наведени планираната гасна електрана во РЕК Битола, проширување на гасната електрана Енергетика во Скопје, планот за пренамена на ТЕЦ Неготино во електрана на гас и изградбата на големата хидроелектрана Чебрен.

За Чебрен до крајот на годината се очекува првичен договор кој би бил основа за јавно-приватно партнерство со една од 9-те квалификувани компании кои аплицираа на јавниот повик да бидат партнери на АД ЕСМ за изградба на овој капитален проект.

Покај тоа што кандидатот на ВМРО-ДПМНЕ за градоначаник во Битола е доктор, епидемиологот Тони Коњановски, уште двајца лекари специјалисти застануваат на листата со кандидати за советници на коалицијата „За обнова на Македонија“. Тоа се Ненси Лозначе субспецијалист кардиолог и Михајло Вангелов специјалист гинеколог во Клиничка болница Битола.

Партијата ги објави имињата на 31 кандидат за советници, а листата ја предводи лидерот на ОК на ВМРО-ДПМНЕ во Битола Пеце Милевски, кој веќе има советничко искуство зашто во претходниот мандат на битолскиот Совет беше советник од редовите на ВМРО-ДПМНЕ. Тој на фб објави дека понудата е доследна на принципите за чесност, посветеност, професионалност, познавање на функционирањето на локалната самоуправа.

„Постојано сме во непосредни контакти со граѓаните , отворени за соработка и ветуваме такви ќе останеме. Имаме приоритети еден од нив е да ги промениме правилата во кои живееме и системот кој генерации на луѓе претходно разочарал“, напиша Милевски.

На листата е и поранешната директорка на Старскиот дом „Сју Рајдер“ од Битола, Марица Тодоровска, претседател на Унијата на жени од Битола, Бојан Бојкоски, кој беше кандидат за пратеник на последните парламентарни избори, потоа Викторија Христовска советничка во два мандати од оваа партија.

На листата ги нема досегашниот координатор на советниците од ВМРО-ДПМНЕ и коалиционите партнери Иванчо Тошевски, поранешен лидер на локалниот огранок на партијата во Битола, потоа Борче Димитровски, долгогодишен советник и исто така екс локален лидер, па Николче Јанкуловски од ПОДЕМ на чие место сега е кандидатот Златко Лозановски..