Не е завршено летото, ако не се случи „Битола отворен град“. Одложен, заради немилиот настан во Тетово, а реализиран низ еден долг концерт, како што впрочем заслужува јубилејното 20 издание на фестивалот кој обединува, креира и инспирира активно младинско учество и преку музика и уметност поместува граници. Пред публика која броеше 600 пополнети места, во амфитеатарот на Хераклеја и во обем соодветен на протоколите за организирање на вакви настани. Младинскиот културен центар од Битола, кој е основач на овој фестивал, со повеќе придружни настани кои се случија, а и ќе следат останува на мисијата да создава проекти кои стануваат своевидна културолошка појава, а и се промотори на напредни идеи за позитивни општествени вредности и третирање на важни теми. Оттука и бројни дебати, изложби, перформанси се случувале низ сите изминати години на овој фестивал.

„Битола отворен град“ е познат низ децениите и по своите големи концерти, па така на Хераклеја, овој викенд музички празник направија гостите Stereo Banana, Love Itoya и нашиот Кирил Џајковски. Стартот го означи дуото со силна концертна репутација Stereo Banana. Хип-хоп, брејк-бит, малку реге и фанк беа одличен вовед за она што следуваше. А тоа беше нигеријската музичка ѕвезда Love Itoya, која со својот моќен сценски настап и енергија, заедно со нејзиниот пратечки бенд и вокали ја подигна атмосферата и потврди дека музиката и активизмот за женски права, по кој таа е позната, можат да функционираат преку текстовите и пораките низ музиката во нејзините настапи. Финалето на концертот го означи најпродуктивниот македонски композитор на филмска и театарска музика и електронски артист, Кирил Џајковски. Музичар кој со многу чувство го испреплетува новиот звук и традиционалната музика. Добро познат на битолската публика, но секогаш поинаков, Џајковски повторно потврди дека традиционалната музика секогаш е голема инспирација. А тој, тој експеримент го прави со најголема почит. Очекувајте и нови настани, зошто 20 издание на Битола Отворен Град сѐ уште не е завршено.

Кандидатот за градоначалник на СДСМ, Христо Кондовски, денеска се сретна со битолските пензионери и со нив разговараше за подобрување на условите за живот на оваа категорија граѓани

„Се обврзувам како честит, искрен и човек од збор, дека сум подготвен да го направам она што го заслужува нашата Битола и вие мои битолчани! Заеднички да ставиме крај на неефективноста, безидејноста и неработењето на локалната самоуправа изминатите четири години.Како советник во Советот на Општина Битола, имав можност да бидам соочен со вашите проблемите и потреби“, рече Тони Коњановски, кандидат за градоначалник на ВМРО-ДПМНЕ и коалицијата.

Вети дека доколку стане градоначалник нема да прави селекција меѓу луѓето по никаков основ.

„Како градоначалник ќе ги вклучам сите граѓани по принцип на неселективност, без привилегираност од една страна и обесправеност од друга, со еднаков аршин и пристап кон решавање на секој предизвик, бидејќи силно верувам дека само тој е вистинскиот и единствениот начин. Професијата лекар ми дава можност, да ги сослушам луѓето, да ги согледам и анализирам нивните проблеми, да дадам вистински совет и да понудам решение за нивната мака“, рече тој.

Како стопанство во овие 20 години не сме добиле за градоначалник човек од бизнис заедницата. Таков човек многу ќе значи за стопанството зашто знаеме Битола во која фаза остана во овие 20 години, рече Мирко Велковски, претседател на Регионалната стопанска комора од Битола на денешната средба на битолските стопанственици со кандидатот за градоначалник на СДСМ и коалицијата, Христо Кондовски

„Фалат многу важни делови од ГУП-от, што побрза измена и да биде прифатена што поскоро, планови детални кои чекаат повеќе од 5 до 10 години да бидат прифатени. Инфраструктура на сите улици во Битола од кои зависи стопанството. Улицата ‘Индустриска’ која е оставена така повеќе од 20 години, а е значајна за индустријата, осветлувањето во делот на индустријата, а во втора фаза важна ни е гасификацијата на стопанството. Проектот го направија и добија дозвола само за Цермат и за Млекара на влезот од градот, мора да се а да продолжи за цела индустрија“, рече Велковски.

Запрашан како врз стопанството влијае тоа што Битола нема автопатско решение, рече дека Пелагонискиот регион дава 13 проценти од бруто домашниот производ, а во минатото процентот достигнуваше до 19, намалувањето се должи на патната инфраструктура. Бизнисмените од Пелагонија бараат автопатско поврзување на Битола-Прилеп-Велес преку Бабуна.

„Сите странски инвеститори баараат поврзувањето да биде со автопат или добар магистрален пат. Ние 20 години сме упорни и сме благодарни што се склучи договор за брз пат Дреново- Битола, но тоа не е доволно , тоа е времено за 5-6 години. Мора да почни изградба на една трајна инфраструктура кој ќе биде автопатска, ќе оди за Велес преку Бабуна“, рече Велковски.

Кондовски рече дека средбата со стопанствениците има за цел да ги слушне нивните предлози, идеи и проблеми и изрази надеж дека доколку стане градоначалник ќе најдат заеднички решенија.

„Стопанствениците се двигател на локалниот економски развој. Интерно во Битола, кажано народски, до таблите каде што пишува Битола, веќе не треба да станува збор, градот има буџет има ресурси , стабилни форми, јавни претпоријатија и подобра инфраструктура може да се направи. Тука се предвидени голем дел од проектите и сметам дека по 4 години комплетно ќе се смени сликата во тој дел на Битола. Од онаму каде што завршува таблата , каде се национални проекти јас ќе стојам рамо до рамо со бизнисмените, со сите мои лобистички ресурси , да издејствуваме и Битола да ја споиме со главниот град, со Грција онака како што доликува со автопати и брзи патишта“, рече Кондовски. 

На средбата имаше стопанственици кои се членови и симпатизери и на други политички партии, а не само од  СДСМ. 

Едно од култните места за битолчанни, чешмата кај Офицерскиот дом, повторно е достапна за жителите на Битола и случајните минувачи. 

АД ЕСМ долгорочно ќе изгради 1000 MW фотонапонски електрани како клучен дел од планот за енергетска трансформација, односно префрлање на производството на електрична енергија кон обновливи извори, изјави генералниот директор на АД ЕСМ, Васко Ковачевски на енергетскиот форум МЕФ 2021.

,,Над 70% од нашето производството во моментов доаѓа од јаглен, и тоа за нас е голем императив да спроведеме брза енергетска транзиција, но која мора да биде и праведна, односно вработените да останат во компанијата со работни задачи соодветни на промената во производството. Работиме на ширење на нашето производно портфолио, пред се во делот на обновливите извори на енергија”-изјави директорот Ковачевски.

Ковачевски потенцираше дека фотонапонските електрани ќе се градат во еден дел како сопствени инвестиции на АД ЕСМ, а во еден дел како јавно-приватно партнерство.

Покерај производните капацитети од ветер и сонце, беше нагласено и значењето на поседувањето што почисти производни капацитети за базна, балансна енергија, за што беа наведени планираната гасна електрана во РЕК Битола, проширување на гасната електрана Енергетика во Скопје, планот за пренамена на ТЕЦ Неготино во електрана на гас и изградбата на големата хидроелектрана Чебрен.

За Чебрен до крајот на годината се очекува првичен договор кој би бил основа за јавно-приватно партнерство со една од 9-те квалификувани компании кои аплицираа на јавниот повик да бидат партнери на АД ЕСМ за изградба на овој капитален проект.