Не може во осум часот наутро да има многу лица за вакцинација, во 16 часот да нема никој , а пунктот работи од 8 до 19,30, реагираат од Здравствениот дом во Битола. Од таму апелираат да се почитуваат закажаните термин во пунктот за масовна имунизација.

„Голем број на граѓани поради непочитување на закажаниот термин за ревакцинација, доагаат во голем број во исто време и со создавањето ‘гужви’ се отежнува вакциналниот процес. Замолуваме заедно да го овозможиме нормалниот процес на работа .Секој кој има закажан термин ќе биде вакциниран -тимовите работат со вакцинирање и на последното закажано лице. Додека слободното вакцинирање е без зајажан термин“, апелира директорката Весна Спиркоска.

Во престојната недела ќе има повисоки бројки на лица за ревакцинација, па затоа важно е да доаѓаат и во закажаните термини, а пунктот работи 12 часа. Голем дел од здравствените работници кои се ангажирани во процесот на имунизација во Битола немаат користено ни ден годишен одмор.

Денес се вакцинирани и 37 лица кои одлежуваат казна во затворот во Битола.

Во Битола денеска наврнаа 13 литри дожд на метар квадратен, а максимална измерена температура денеска е 28 степени

Ноќта помеѓу 17 и 18 јули кај местото Беловодица во заедничка координирана акција на прилепската и крушевската шумска полиција разбиена е поголема група на дрвокрадци, при што одземено е едно  комбе со кое се превезувале нелегални дабови огревни дрва во количина од 5 м3. 

Пишува: Александар Литовски

Помина првата недела од теренската вакцинација низ руралните население места во Битолско. Според официјалните податоци од 12 до 17 јули беа вакцинирани 945 лица. Во истиот овој период на вакциналниот пункт во спортската сала на медицинското училиште во Битола, каде се изведува масовната вакцинација се аплицирале 4258 дози со вакцини против коронавирус.  Утре, 19 јули, продолжува теренската вакцинација во Горно Оризари, Кукуречани, Крклино, Раштани, Драгожани, Секирани, Габалавци  и Црнеец. Во сите овие места вакционацијата ќе се одвива во училиштата, освен во Црнеец во Домот на месната заедница.  

И секој ден да доаѓа во Битола, и во Битола да се пресели, Христијан Мицкоски нема да ги убеди битолчани дека ДПМНЕ има идеја, капацитет и легитимитет да раководи со Битола, пишува во писмената реакција на СДСМ по синоќешната посета на Битола од страна на лидерот на ВМРО-ДПМНЕ.  

„Мицкоски и локалното раководство на ДПМНЕ прво што треба да направат е да им се извинат на битолчани за дванаесетте залудно потрошени години во кои аир видоа само неколкумина тогашни функционери. Дел од нив и ден денес чекаат правосилни пресуди. Мицкоски и неговите локални пајташи да им се извинат на битолчани за криминалот и корупцијата што ги направија нивните сопартијци чии слогани и ден денес мислат дека се примамливи. Мицкоски и неговите локални потрчковци да и се заблагодарат на СДСМ што со домаќинско и одговорно работење ја издвади Битола од калта во која ја оставија токму функционерите на ДПМНЕ. Битолчани нема да дозволат Битола да се врати во времето на Двојче, Трајче, Боки, Жабата, Цеца...“, пишува во реакцијата.