Се изведуваат завршните активности од реконструкцијата на улицата ,,Рузвелтова" во вториот крак пред Поштата во Битола. Откако беа поставени клупи, сега улицата се разубавува со цвеќиња, а посадени се и украсни дрвја сорбуси. 

Вкупната вредност за реконструкцијата на улицата „Рузвелтова“, која опфаќа  водовод, канализација, улично осветлување, коловоз и урбана опрема изнесува 11.331.728 денари.

Во тек се и активности за поставување коцка на улицата пред Комерцијална банка се до влезот на паркингот. Тоа значи дека целиот овој дел од градското јадро почнувајќи од пред Пионерскиот дом до паркингот кај Комерцијална банка ќе биде со коцка.

23-годишниот битолчанец Кристиан Стојани на денешната “Трка за независност” на 5 километри  го освои 2 место со време 17:24. На патеката, која натпреварувачите ја прогласија за една од најтешките на кои трчале кај нас, заради промена на елевацијата и реално високата надморска височина на која е распослано Крушево од 1.200м, ова е одличен резултат. 

Битола е подготвена за најголемиот спортски настан кој ја очекува на 12 септември, а тоа е третото издание на трката „Трчај бе“. Оваа трка за толку крата историја од само три години, добива меѓународно значење. Битола е домаќин на Балканско првенство во полумаратон. Тоа значи врвни атлетичари од повеќе земји и домашни вљубеници во трчањето ќе трчаат на патеката долга 21км.

“Ќе биде и големо и масовно издание. Освен 5К и 10К трките, за прв пат ќе имаме и полумаратон, 21К кој ќе биде всушност Балканско првенство во полумаратон, кое го организираме во соработка со АФМ. Довербата која ни е дадена за организација е голем комплимент за нас. Од тие причини ја очекуваме цела македонска и балканска тркачка елита, но и голем број рекреативци” - истакна Никола Димитровски, директор на трката.

Битола веќе неколку месеци интензивно се подготвува да ги дочека учесниците и гостите од 20-тина држави, кои во градот под Пелистер по трет пат ќе направат празник на трчањето. Се подготвува и придружна програма, која ќе направи вистински спортско-забавен хепенинг во градот. Во градот нема веќе слободно хотелско сместување, заради големиот број на гости и натпреварувачи, но и препознавањето на овој настан како компаниска тим билдинг активност, така што бројни компании со своите вработени одамна го испланирале овој викенд за Битола.

“Во Трчај бе, бројни спонзори препознаа проект кој е интересен за нивна презентација и таа поддршка е значајна за да се изведе квалитетно овој голем и масовен настан. Убаво е кога гледате како комапниите и граѓаните се свесни што ова носи за градот и како настан, но и како концепт кој носи профит во многу придружни сектори, освен туризмот”-истакнаа организаторите.

Оваа година, во ПР кампањата за трката беа вклучени и 15 студенти од тренинг-програмата за графички дизајн на Monday Learning кои одговорија на предизвикот да го визуелизираат победносносното „јас“ на овогодинешното издание на ТРЧАЈ БЕ. Така, во градот осамнаа бројни постери инспирирани од кампањата • И ти си победник •