„Владеачката коалиција предводена од СДСМ на локалните избори освои 13 советнички мандати. СДСМ е партија со најголем обединувачки потенцијал со нашите коалициони капацитети што сме го потврдиле во многу случаи досега. Пред нас е период во кој ќе бидат утврдени принципите за соработка со останатите  советнички групи кои ги делат истите идеи- домаќинско раководење со парите на битолчани со цел изградба на модерна и европска Битола. Битолчани никогаш веќе нема да дозволат градот да го узурпираат мрачните сили од блиското минато“, рече Методија Илиевски, советник од СДСМ.  

Запрашан како ќе обезбедат мнозинство во Советот тој одговори: „Официјално опозицијата на централно ниво е заедно со Либерално-демократската партија и ДУИ, сигурен сум дека цврстите заложби за градење на здраво општество и најдоброто во општината, ќе продолжат во правецот  да се гради Општина Битола. Сигурен сум дека и со останатите партии кои ќе партиципираат во Советот ќе изградиме едно стабилно мнозинство со повеќе од 51 процент“, рече Илиевски.         

„Во вториот изборен круг кој е веќе извесен, ќе дадам се од себе, да ја максимизирам вашата поддршка уверувајќи ве дека токму тој избор е најдоброто за нашата Општина. Во следните две недели најавувам локално обединување на целиот коалициски потенцијал, кој во првиот круг беше разлеан на повеќе страни, како и поттик за излезност на сите кои од различни причини не излегоа на гласачките места.  Со позитивен пристап продолжувам и кон големиот број граѓани кои вчера го дадоа гласот на кандидатите кои не влегоа во вториот изборен круг. Од денес, во остатокот од кампањата пристапувам со уште поголема мотивација, желба и посветеност да допрам до секој од вас, до секој мој сограѓанин претставувајќи ја визијата за подобро утре! Ве уверувам ќе имаме голема заедничка победа која ќе ви припаѓа вам и на нашата Битола, изјави Христо Кондовски, кандидат за градоначалник од СДСМ и коалицијата ден по првиот изборен круг.

-Се кандидирав за градоначалник на нашата Битола од срце, со силен мотив и огромна желба да ја менуваме на подобро. Влегов во изборната трка како млад, нов човек во политиката, кој стекнатото знаење и искуство низ личните постигнувања во бизнисот е подготвен да ги стави на ваша услуга, заедно да ја обновиме и модернизираме нашата Битола!

Ви благодарам што за краткиот период во кој можевте да ме запознаете, ја препознавте мојата енергичност и ми дадовте поддршка во голема мера. Таа поддршка ми значи многу и силно ќе ја оправдам, рече Кондовски.

 Тој додаде дека Битола гласаше на фер, слободни и демократски избори кои впрочем беа олицетворение на изборна кампања што ја водеше заедно со граѓаните.  

„Им честитам на сите учесници на овие избори кои излегоа на мегдан пред граѓаните и со својата понуда привлекоа внимание и ја поттикнаа демократската изборна разноликост во нашата општина. Воедно, им честитам на новоизбраните членови на советот во општината, идните градители на Битола. Од сесрце ви благодарам за големата изразена поддршка до мене како кандидат за градоначалник и поддршката за нашите советници!

Изборните резултати даваат одлична основа за победа во вториот круг кој е веќе извесен и во кој најавувам повторно позитивна и прогресивна кампања’’, додаде Кондовски

Пушува: Александар Литовски

Новаци општина рекордер по излезност

Екс градоначалникот Владимир Талески  и поранешниот секретар на Општина Битола Слободан Бончановски вчера гласале од куќен притвор. Од Општинската изборна комисија, не ги посочија со име и презиме, но кажаа дека добиле известување за три лица кои се во куќен пртивор дека сакаат да гласаат, по што вчера им било овозможено да го исполнат гласачкото право.
Во Битола има три лица кои се во куќен притвор, меѓу кои и двајцата поранешни претставници на локалната власт, Талески и Бончановски. Екс-градоначалникот на Битола Владимир Талески веќе  една и пол година е во куќен притвор по пресудата на Основниот суд во Скопје со која е прогласен за виновен за случајот „Транспортер“ на СЈО, за превозот на ученици.