АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 23, 2025
Анета Блажевска
Големата чума во Франција не е пандемија, другите примери на пандемија наведени во постот не се случиле точно во годините што се посочуваат, туку порано или подоцна 3 години. Исто така, во меѓупериодот од 1720 до денеска имало голем број други пандемии, кои не се споменати во оваа објава на Фејсбук. Постот селективно прикажува само некои податоци со цел да се претстави наводна теорија на заговор за депопулација на населението
Рецензираме пост на Фејсбук во којшто се тврди дека болестите, односно епидемиите на заразни болести, коишто се случуваат во светот на секои 100 години, не се случајност, туку претставуваат план за намалување на бројот на светската популација, односно намерно истребување на луѓето од планетата Земја. Во постот се набројува дека во 1720 година имало чума, во 1820 година имало колера, во 1920 година шпански грип, а во 2020 година корона.
Никој не може да добие ковид од вакцината – во неа нема жив и активен дел од вирусот
Октомври 19, 2021Постот е поткрепен со неколку фотографии, од кои во едната се тврди дека преку ковид вакцината девојче добило СИДА и дека вакцината го уништува имунолошкиот систем. Синдромот на стекнат имунолошки дефицит или познат по француската кратенка СИДА е болест која претставува последен стадиум на ХИВ вирусот. ХИВ и ковид се различни, начинот на којшто се пренесува ковид, не е начин на кој се пренесува ХИВ. Од вакцина против ковид не може да добиете СИДА. Всушност, преку вакцината не може да добиете ниту ковид, тоа е од самиот почеток објаснето на веб-страницата за вакцинација во земјата
Сатиричен пост – од ковид вакцина не може да се забремени
Октомври 19, 2021Рецензираме пост на Фејсбук во којшто е изнесен сатиричен коментар, но поради природата на антивакциналните наративи и кампањата за девалвација на вакцинацијата, можно е некои граѓани да го сфатaт овој пост како вистинит. Од оваа причина и образложуваме дека станува збор за сатиричен пост.
Тоа е една од целите на проверката на факти на Фејсбук – да ги образложи и оние постови за кои не е веднаш јасно дека се сатирични и за кои се смета дека во себе содржат капацитет да бидат буквално сфатени од некои корисници. А, дека тоа е можно се забележува и од коментарите, при што во некои од нив се забележува збунетост, нејаснотија дали станува збор за вистинит пост или за нешто друго, па и буквално разбирање на сатиричната содржина како вистинита, што, се разбира, во конкретниов случај, не е точно.
Квалитетот на лекувањето е само еден фактор од кој зависи смртноста
Октомври 19, 2021Неточно е дека заработувачката на Фајзер е поради ретките несакани ефекти од вакцината
Октомври 19, 2021Згрутчувањето на крвта е многу ретко, во многу мал број случаи, така што дури и кога тие би се лекувале со лекови од „Фајзер“, повторно би станувало збор за многу мал број случаи и последично на тоа многу мал број лекови. Така што „Фајзер“ не би можел да се збогати од тоа и парите што би ги заработила компанијата од продажбата на тие лекови би биле минорен процент од вкупните приходи
Рецензираме пост на Фејсбук во кој се тврди дека додека граѓаните ги трујат со вакцини, a фармацевтските компании печалат од тоа.
Бројот на вакцинирани во Југоистокот е поголем – има граѓани кои патуваа и се вакцинираа во Скопје, Штип, Србија и Бугарија
Октомври 19, 2021Бројот на вакцинирани лица против ковид-19 над 18-годишна возраст нa Југоистокот е далеку поголем од објавените податоци од страна на Институтот за јавно здравје. Вака реагираат менаџерите на дел од здравствените домови одговорни за целиот процес. Спроед нив, во статистичките податоци не се евидентирани по место на живеење лицата кои се вакцинираа во Скопје, Штип, или, пак, во соседна Србија и Бугарија, туку податоците се базирани на бројката на вакцинирани во Струмица, Радовиш, Валандово и Гевгелија
Зголемениот број на заразени и починати не е резултат од вакцинирањето
Октомври 19, 2021Со гледање на пошироката слика и земајќи го предвид контекстот на презентираните бројки, никако не може да се изведе заклучок дека вакцините се виновни за бројот на заболени или починати. И покрај тоа што е можно вакцинирано лице да се зарази со коронавирусот, сепак, вакцината штити од тежок тек на болеста и во висок процент спречува развивање на тешка клиничка слика, хоспитализации и смртен исход. Оттука, не само што вакцината не е виновна за зголемениот број на починати, туку таа спасува животи
Пензионирани патолози шират неосновани тврдења дека вакцините против ковид-19 содржат чипови
Октомври 19, 2021Почина доајенот на битолското новинарство Никола Талевски
Октомври 19, 2021На 81 годишна возраст, утрово, почина доајенот на битолското новинарство Никола Талевски, догогодишен дописник на Македонската телевизија и сопственик на „Инфо магазин“. Тој беше еден од најплодните битолски новинарски пера кој покрај со новинарско известување, се занимаваше и со хумор и сатира. Во емисиите на Радио Битола беше познат под ликот Ристо Модернисто , со кој беше ангажиран дури и со настапи во естрадата. Како текстописец Талевски се јавуваше и во хумористичното списание „Остен', каде редовно соработуваше се до згаснувањето на ова гласило. Во „Остен“ и други гласила се јавуваше и со псевдонимот Битољо. Пишуваше хуморески, афоризми и сатирични текстови за повеќе македонски и југословенски весници.
Го објави книгите „ Шегалџилница“, „И не мисли на грев“, „Еротски кажувања“, „Перење на мозокот“ и последната со афоризми „Ветрокази“.
Добитник беше на наградата на Вториот југословенски фестивал за хумор и сатира во Будва за скеч на емисијата „Караван“ на Радио Белград во 1969 година. На Вториот југословенски фестивал во Крушевац во 1994 година беше награден за афоризам.
Талевски не се откажа од новинарството до своите последни денови до кога твореше.
Опелото е закажано за утре во 10 часот во Св. Димитрија, а во 12 часот погребот на на Буковските гробишта.
Најчитани
