Започнаа градежните активности за изградба на фекална канализациона мрежа на улицата „Довлеџик“, како дел од проектот за изградба на комплетна инфраструктура на истата улица. Увид во почетните работни активности Изврши градоначалничката Наташа Петровска и дел од лицата задолжени за реализација на проектот.

СОУ “Таки Даскало” – Битола, последните години, отвори два нови профили во рамките на градежно-геодетската струка, градежен и архитектонски техничар, кои на учениците не само што им нудат атрактивни занимања кои се барани на пазарот на трудот, туку им нудат и занимања кои ќе им овозможат добро да заработуваат и да отворат сопствени бизниси, соопштија од „Таки Даскало“.

„Градежништвото доживува вистинска експанзија последните години. Со развитокот на техниката и технологијата, денес забрзано се градат современи објекти, па затоа на пазарот на трудот се наметна потребата за стручен кадар, градежни и архитектонски техничари и инженери, кои се директни учесници во процесот на проектирање и изградба на објектите, објекти кои остануваат во наследство на идните генерации и ќе сведочат за успесите на денешните генерации“, велат од училиштето.

Овие струки им нудат на младите загарантирана работа и солидни приходи, стипендии од градежни фирми во текот на средното и високото образование, стекување солидни знаења кои ќе им овозможат предност при упис на престижните факултети како Градежен, Архитектонски факултет и на останатите технички факултети. Во текот на школувањето учениците имаат можност да се стекнат со одлични стручни знаења од високо квалификуваните наставници кои се градежни и архитектонски инженери и кои ќе им овозможат совладување на наставниот материјал во најсовремено опремени кабинети, со најсофистицирана компјутерска опрема, софтверски лиценцирани програми како AutoCAD, TOWER-Radimpex, “паметни” табли, инструменти и други нагледни средства, со што ќе стекнат вештини и компетенции за комплетна изработка на проектна документација и реализација од идеја до проект.

Исто така, преку изведување на практичната настава на градилишта, на кои градежни активности изведуваат реномирани компании во градежништвото кај нас, имаат можност директно и непосредно да учествуваат во процесот на изградба и изработка на техничка документација. Учениците од СОУ “Таки Даскало“ се вклучени во изведбените активности на градежните компании како а.д Гранит при изградбата на Градскиот стадион “Под Тумбе кафе“, станбено-деловниот комплекс АРИА”, каде изведувач е Лапор инжинеринг - Областа, Стентон и други компании, каде имаат можност директно и непосредно да се стекнат со потребните компетенции и вештини од градежната и архитектонската струка..

По завршувањето на четиригодишното образование учениците се стекнуваат со диплома градежен или архитектонски техничар и се оспособени самостојно да работат во градежни фирми, проектански бироа, на градилишта како одговорни лица, во фабрики за производство на бетон, лаборатории за испитување на квалитетот на бетонот и во секоја фирма каде што содржат градежни работи, а тие што сакаат да студираат стекнуваат солидна основа за студирање на Градежниот, Архитектонскиот факултет и останатите технички факултети и предност при упис на овие факултети. Дипломата градежен и архитектонски техничар и дипломиран градежен и архитектонски инженер, е меѓународно призната и барана, така што учениците можат да го остварат својот сон во и надвор од границите на нашата држава.

„Дали само вие имате право да се сликате со лидери, да одите по партиски митинзи и манифестации, а другите граѓани не смеат“, стои во реакцијата на ВМРО-ДПМНЕ-Битола на вчерашната изјава на Елизабета Наумовска, претседателка на Комисијата за образование во СДСМ дека позади фб групата која повикуваше на бојкот на наставата стои ВМРО-ДПМНЕ.

“Штета што нашето срце нема OFF - ON”.

(Никола Тесла)

Еден тмурен и помалку врнежлив ден, на небото како на купче, се собраа облаците темни, а небото како да беше обоено со најтемните нијанси на модро сината боја. Баш на такво невреме, еден дух, леташе високо над облаците, често пати зашеметуван од силниот ветер, кој како да си играше со него, некој многу чуден танц. Облаците се движеа многу брзо и многу често ја менуваа формата. Во тој магичен вртлог од бои и форми, само на кратко, само на многу кратко, духот успеваше низ процепите на облаците, да ја види земјата. Во тој миг духот забележа дека лета над некои широки плажи, покрај некој океан. Високи и темни бранови со долги и пенливи опашки го заплискуваа песокот на плажите. Просто да не знаеш, каде се одвива поголема драма, дали на небото или на земјата.....Чиниш, се споиле и двете, и станале едно.

За момент, вниманието на духот го привлече некаква црвенкаста флека на песокот. Беше премногу високо за да препознае што е. Тогаш духот слета малку пониско, па уште малку и уште малку пониско. Од оваа висина духот можеше да види дека станува збор за некаква топчеста форма со црвена боја. Љубопитноста негова (голема како и секогаш) не му даде да продолжи по својот пат, застана и слета на песокот. Му пријде на црвениот непознаник и по кратко време, откако малку се созеде, го праша:

• “Кој си ти ?”

Црвениот непознаник го поглена со очи, во кои како да беше збрана сета тага на овој свет и по кратка пауза, со рапав глас му одговори:

• “Јас сум срцето”
• “Чие срце ?”, го праша духот.
• “Срцето на Архитектот...”

Му одговори срцето, и го заврти погледот кон широкото морско пространство, некаде во недоглед....... Гледаше така долго време, и кога духот помисли дека треба да замини, (бидејќи почувствува оти неговото присуство на срцето му создава немир, а нему нелагодност), срцето се “отвори”, и почна да зборува тивко, како да си зборува за себеси.....

• “Цел живот му служев само нему. Целата вистина од овој свет, ја чував само за него. Никогаш не го изневерив. Демнев над него како мајка над новороденче, не сакајќи со ништо да го повредам. Јас не спиев, ни кога тој спиеше. За сите негови љубови, мене ме прашуваше. Го чувствував кога патеше, а многу често, не можев да му помогнам. Го чувствував и кога очајуваше, и повторно не можев да му помогнам. Е, тогаш ми беше најтешко ! Ми идеше да пукнам, да се расцепам.....”

Тука срцето воздивна длабоко и занеме..... Духот се стаписа. Како дамла да го удри. Почувствува дека не му е тука местото и го проколна мигот кога слета на земјата. Неговото чувство на нелагодност го достигна максимумот, и само што посака да летне високо во облаците и да исчезне засекогаш, срцето неочекувано се заврти и го праша:

• “А, ти кој си ?”

Духот се зашемети, омалакса, и не знаеше ни каде е, ни зошто е, ни што прави тука. Јасно му беше само дека не може да избега и дека мора да му одговори.....

• “Јас сум Архитектот”, му одговори духот, со горчина во гласот...

Тогаш срцето потемна, се впири во себе и по кратко време, за многу кратко време - го снема. Исчезна како никогаш да не било тука. Духот остана сам и уште долго, како скаменет, седеше на плажата. Дождот се посилно почнуваше да врне...

А на песокот, на местото каде што беше срцето, ни големите бранови, долго време не можеа да ги избришат овие зборови: ...СЛУШАЈ ГО СВОЕТО СРЦЕ...

Дипл. Инг. Арх.

Зоран Николовски