На 12.05.2021 во 17.00 часот во Битола, на ул.„Бранко Радичевиќ“ во својот дом е пронајден починат С.Б.(21) од Битола. Од екипа на Итна медицинска помош е констатирана смрт без траги на насилство. По наредба на Јавен обвинител, телото е предадено на обдукција.

Вчера од битолскиот Завод и музеј во СВР Битола пријавиле дека малолетник од музејската поставка украл револвер, а полицијата го пронашла и го вратила

Денес во Битола се регистрирани 9 новозаболени од ковид 19, 2 починати лица и 180 оздравени. Активни се водат 446 случаи, со што Битола е и натаму на високото трето место по Скопје и Куманово. Во болницата во Битола е хоспитализиран 41 пациент позитивен и суспектен на КОВИД-19.

Библиотеки полни со човечки "книги" се сѐ почеста појава во светот. Претставуваат сјаен начин за надминување на предрасудите, како и за поврзување на луѓето во светот.

Живите библиотеки функционираат како и секоја „нормална“ библиотека: посетителите го разгледуваат каталогот со наслови и од библиотекарот позајмуваат книга за одредено време. По читањето, ја враќаат книгата во библиотеката и ако сакаат можат да позајмат друга книга. Основната разлика е што во „Живи библиотеки“ книгите се луѓето, а читањето е всушност разговорот.

Младинскиот инфо клуб од Битола, кој е менториран од страна на МКЦ и поддржан од УНДП го организираше овој настан во дворот на ФИКТ. Луѓе-книги беа Марјан Бакревски - музичар во светот на крафт пивата, Горан Панкерот-антрополог во светот на мобилни телефони, Теона Манго - од свет на дипломатија на Квин Мери Универзитет во Лондон до еко платформа за будење на навиките за одржлив живот, Мартин -Улаф Сте, еден од основачите на првото знаковно кафуле во Битола, Јасмина 3/4 - од свет на економија во свет на дизајн, Милан Петровски Game Developer и креатор на првата македонска игра во виртуелна реалност. За одличните “книги” да станат волшебни се погрижи DJ Chiko кој приреди лајф сет на македонска музика издадена на винили.

Основната цел на „Живи библиотеки“ е да креира простор за конструктивен личен дијалог помеѓу луѓето кои во нормални околности немаат можност да зборуваат помеѓу себе.
Ова беше одлична можност од прва рака младите луѓе да добијат информации за кариерниот раст и развој на личности кои имаат интересни приказни да раскажат. Можност да добиете јасна слика за некои професии како би ви го олеснале процесот на креирање на Вашиот индивидуален план за кариера.

Битола е збогатена со нови уредени катчиња со тревни површини и цветни леи. Екипите на ЈП „Комуналец“ деновиве садат цвеќиња и на тревниците пред зградите кај РЕМО,  а со цветни леи и нови клупи оплеменет е и просторот пред Центарот за култура. Градскиот парк, исто така, изобилува со цвеќиња во различни бои , а пријатни за око се и тревниците кај Гроздот кои беа со засушена трева, а сега се уредени со зелени тревници, цвеќиња и други декорации.   

Наплатниот центар на КЈП Нискоградба, ЈП Комуналец и ЈКП Водовод утре 14.05.2021 година ( Петок ) нема да работи поради изведување на електрична мрежа на улица Рузвелтова каде што е и седиштето на  наплатниот пункт.

Почина Гоце Петровски поранешен претседател на Организацијата на Македонците потомци од Егејскиот дел на Македонија. Петровски беше неуморен борец за правата на децата бегалци. Беше дел од организаторите и учесник на настаните по повод јубилеи поврзани со историјата на Македонците од Егејскиот дел на Македонија, а учествуваше и на честувања во Грција поврзани со важни датуми од борбата на македонскиот народ. Во спомен на Петровски и неговото дело пренeсуваме еден од текстовите што ги имавме објавено со негова помош, а тоа е за пронаоѓањето на гробот на Андреј Чипов, влијателен член на Комунистичката партија во Грција и борец за националните права на тамошното македонско население. 

Во Регионалниот вакцинален пункт во Битола денеска се вакцинирани рекордни 94,5 проценти од закажаните. Од  1461 граѓани кои добиле термин за 12 мај, да се имунизираат дошле 1381. Вупно со масовната имунизација се вакцинирани 6307 лица во Битола, а заедно со претходно имунизираните 8707 граѓани. Возраста од вчера е спуштена на 63 години, со што и процесот на вакцинација се одвива со позабрзана динамика.