Пишува: Александар Литовски

Проф. д-р Мирјана Мирчевска е новата претседателка на Сојузот на фолклорни ансамбли на Македонија СОФАМ, кој го одржа годишното собрание во Центарот за култура Битола и едногласно ја избра Мирчевска за нов прв човек на организацијата во која членуваат бројни културно уметнички друштва од државата и го промовира фолклорот и традициите и дома и во светот.

Таа е редовна професорка на Институтот за етнологија и антропологија. Дипломирала на Заводот за етнологија на ПМФ, а постдипломските студии ги завршува на Одделението за етнологија и антропологија на Филозофскиот факултет за Универитетот во Белград, каде и магистрирала. Докторирала на тема од областа на етничките идентитети.

“Професионално сум многу задоволна, но личното задоволство ми е уште поголемо. Љубовта кон фолклорот ми е голема и затоа ова го сметам за предизвик. Фолклорот не е само народна песна и игра, тоа е многу повеќе. Потребни ни се хетерогени претставници. Еден регион, на пр. Паланечкиот во себе содржи неверојатно многу различни топоними, егзоними и слично а за некој од страна тоа е само еден регион. Истото треба да биде и во фолклорот”-истакна таа.

Таа доаѓа на местото на доскорашниот претседател Антонијо Димитровски, кој го заврши својот втор тригодишен мандат. И кој зад себе остави бројни реализирани активности со изразена меѓународна активност на членовите.

“Новата претседателка беше избрана едногласно од присутните делегати. Што само зборува колку денес можам да речам дека се гордеам со фактот дека после мене оставам квалитетна група на личности кои само ќе го продолжат патот за вистинска презентација и воздигнување на македонскиот фолклор. И честитам од срце на новата претседателка”- истакна на собранието пред присутните делагати досегашниот претседател, Димитровски. Сојузот на фолклорни ансамбли е формиран 1994 година, во него членуваат четириесеттина ансамбли и фолклорни фестивали и е полноправен член во светската фолклорна адоцијација CIOFF.

На денешен ден, 3 јули 1920

Македонија стана член на PPCA Алијансата (Powering Past Coal Alliance) за време на Лондонската недела за климатски  акции и заедно со Шпанија се обврзаа да го напуштат производството на електрична енергија од јаглен до 2030 година.

“ Одлуката на Северна Македонија да се придружи на клубот европски земји кои ќе го напуштат производството од јаглен до 2030 година го подвлекува фактот дека Парискиот договор за климатски промени стана норма за европските земји”, рече Махи Сидериду, извршен директор на “Европа без јаглен”. Тој додаде дека влезот на Северна Македонија во оваа група е особено значаен бидејќи се работи за првата земја од Западен Балкан што се обврзува на напуштање на јагленот.

Енергетската транзиција на земјата е еден од приоритетите на Владата на Република Северна Македонија и на АД ЕСМ. Енергетскиот стратешки план е една од точките на Акција 21 и на Интервентниот План за инвестиции 2021-2027.

Минатиот месец АД ЕСМ потпиша договори за јавно – приватно партнерство за изградба на фотонапонска електрана во Осломеј од 100 мегавати во вредност од 70 милиони евра, што претставува една од најголемите инвестиции во енергетиката, поточно во обновливите извори за производство на електрична енергија.

Паралелно, во различна фаза на реализација е изградбата на уште две фотонапонски централи од 20 MW, со што во Осломеј целосно се супституира производството од струја од јаглен. Тоа е прв пример во Југоисточна Европа, за што Европската енергетска заедница испрати и писмо за поддршка.

Што се однесува до Ветерниот парк Богданци, во тек е проектот за зголемување на неговиот производствен капацитет на 50 MW, а Парк на ветерници ќе се гради и кај Миравци.

Според сите релевантни меѓународни организации Северна Македонија е на врвот на листата земји од регионот по раст на обновливи извори на енергија. Само минатата година, производството на енергија од обновливи извори во државата е зголемено на 827 мегавати, што претставува раст од 10,1%.

Резултатите од енергетската транзиција на Северна Македонија изминатата година се потврда за успешниот ангажман на Владата и на АД ЕСМ за инвестиции во “зелена” енергија, заштита на животната средина преку праведна транзиција.