По неколку часовна жолчна дискусија за тоа што е направено во изминатата година и што ќе се направи во престојната, советниците го изгласаа прелог буџетот на Општина Битола за 2024 година. „За“ гласаа ВМРО-ДПМНЕ и колаицијата и СДСМ и коалиционите партнери, Левица беше против, а Поинаку гласаа воздржани.

Градоначалникот Тони Коњановски обраќајќи се од говорницата соопшти дека во буџетот вклучени се предлозите на сите советнички гтрупи и побара конструктивност во неговото донесување. Рече дека нема да дозволи да се прави театар и Општината да остане без буџет. Воедно побара од претседателката на Совет на следна седнициа на разгледување да го стави ревизорскиот извештај за Поинаку. Илиевска, му возврати дека тоа е јавен извештај за периодот од изборите, кој покажаува дека Понаку потрошиле само 40 000 денари за кампања кои сами ги платиле од џеб.

„Вклучени се предлозите од сите советнички групи, како и сугестии дадени на одржаните комисии. Отворен сум за соработка, но нема да дозволам да се прави театар од институцијата, нити сакам да прифатам сценарио во кое Општина Битола нема да има буџет за 2024 година. Во однос на отчетноста и транспаретноста добро знаат граѓаните неколку пати сме биле прогласувани за лидери по транспаретност од релевантни институции. Отчетност очекувам од сите политички групи, па затоа имам ревизорски извештај за една советничка група кој ќе го доставам до престедателката и на следната седница да го постави на дневен ред, рече Коњановски.

Илиевска му возврати дека по две години вади ревизорски извештај од избори кој е јавен , прикажен на страницата на Државниот завод за ревизија која не ги товари Поианку за никакви финансиски злоупотреби, туку напротив покажува колку малку пари потрошиле за кампањата.

„Ова е редовна работа и Вашата парија има ваков извештај. Го имате прочитано? Фала Ви многу оти јавноста ќе разбере дека носителот на независната група изборачи потроши само 40 000 денари за кампања. Ова е јавен документ, објавен секаде, ова е циркуз и вие правите циркуз. Извадете го ревизорскиот извештај на ВМРО-ДПМНЕ да видиме колку пати имате потрошено од буџетот и колку сега ќе добиете пари од Владата што ја нарекувате корумпирана и криминална. Ова е редовен ревозорсаки извештрај и ако јас имав згрешено затвор ќе бев. Кога бил објавен извештајот зошто седнавте со Габриела да се договарате, ако има некаков страшен финансиски извештај?Некој Ве лажи. Тоа е извештај дека 40 000 денари за цела кампања беа донирани од Алмир, Чулако и Габи“, рече Илиевска додавајќи дека никогаш повеќе ВМРО –ДПМНЕ нема да добие поддршка од Поинаку.

Ж.З.

Владата од буџетот издвои 1, 7 милиони евра за Општина Битола, средства за реконструкција на влезот во градот од страната на Прилеп. Процедурите за префрлање на парите се веќе во тек, по што Општината ќе може да започне со реализација на овој проект, рече министерот за транспорт и врски Благој Бочварски при денешната посета на Битола.

Општина Битола, ја изготви документацијата, потребна за добивање на одобрение за работа на прифатилиште за бездомни и нерегистрирани кучиња и истата денес е испратена до Агенцијата за храна и ветеринарство, која треба да даде согласност за отпочнување со работа на прифатилиштето. Како дел од документацијата, изготвен е техничко – технолошки елаборат, список на опрема, приказ и организација на работата и биланс на работната сила, како и останатата пропратна документација, потребна за извршување на оваа дејност.

Прифатилиштето кое го изгради Општината, располага со 33 бокса со максимален капацитет од 3 кучиња по бокс според законските барања, што претставува оптимален капацитет за ставање под контрола на овој проблем. Во рамките на прифатилиштето изграден е долг парк, кој е неопходен за хуман третман на животните и за спроведување на сите законски постапки при времениот престој на кучињата во прифатилиштето. Вредноста на реализацијата на оваа фаза од проектот „Изградба на настрешница во функција на објект за ветеринарна заштита“, изнесуваше 4.132.399 денари. Акцискиот план на општината за ставање под контрола на проблемот со уличната популација на хуман начин, според анализите изнесени во елаборатот, во прв план предвидува масована стерилизација на кучињата во рамките на шест до осум месеци на минимум 75% од уличната популација на кучињата, по што ќе продолжи активноста за одржување на 75% стерилизирана популација со цел континуирано намалување на уличната популација по природен пат.

Проблемот со уличните кучиња не е настанат во краток период и токму затоа, локалната самоуправа пристапи кон подготовка за отпочнување со работа на надворешниот дел од прифатилиштето, кое целосно ќе одговори на констатираната состојба и моменталните потреби, а ќе овозможи долгорошно решение, со рационално искористување на средствата од општинскиот буџет.

Прифатилиштето ќе може да започне со работа, веднаш по добивањето на одобрението од Агенцијата за храна и ветеринарство.

Министерството за образование ѝ ги одзеде ингеренциите на Општина Битола да назначи директори уште за две училишта, и тоа Средното технишко училиште „Ѓорги Наумов“ и Основното училиште „Климент Охридски“. Со ова станаа три училишта каде општинската власт не може да го избере првиот човек што ќе управува со школите. Пред две недели тоа беше случај и со основното училиште „Александар Турунџев“ во битолското село Кукуречани.

Коњановски вели дека ова се случува во период кога во училиштата течат конкурси за избор на директор и дека МОН води битка кој да го назначи првиот човек на школите, наместо да се реашава финансирањето на училиштата што станува проблем во последно време.

„Точно земени се ингеренциите во делот на назначување на директор. Ова е проблем што го има и во другите градови. Притисокот е огромен, можеби не толку од министерот колку што е од останатите во министерството, пред сѐ мислам на државниот секретар. Во атакот врз образованието Битола можеби е еден од целните градови да се покаже некаква неактивност. Ние многу се трудиме во образованието и тоа ни е врвен приоритет“, рече градоначалолникот Тони Коњановски.

Министерот за образование Јетон Шаќири декес повторно изјави дека се одеземаат ингеренции за да нема политичко влијание врз вработувањата во битолските училишта.

„Постапуваме според законот, а Општина Битола има неколку записници од Просветен иснпекторат во делот на вработување на наставниот кадар, таму има проблематична ситуација зашто наставен кадар кој е пред трансформација на работниот однос не е веќе на работните места. Затоа е постапено според тоа што дозволува Законот за средно обраозвание. Запозната е Општината и ја повикувам да ги почитуваат законите и да нема политичко вијание врз врбаотувањето“, рече Шаќири.

Во меѓувреме, секретарот на Општина Битола Борче Димитровски соопшти дека има недоразбирања со Министерството и во делот на исплатата на К-15 во битолското образование.

„На седницата на 9 ноември правевме ребаланс на буџетот. Советниците едногласно прифатија дека 9,2 милиони денари треба да издвои Општината сама за да се испчати К -15 за основното образование. За сите 2000 лица тоа е 10 милиони денари. Нас државата ни даде 800 000 денари, ние го обезбедивме остатокот благодарение на Советот и ги имаме како средства во буџетот. Но, преку неформална комуникација нашата раководителка на финансии е известена дека МОН планира тоа да го блокира зашто не било возможно К 15 да го исплатиме со сопоствени средства. Ако имаше технички пречки тоа требаше претходно да го кажат “, рече Димитреовски.