Учениците во „Таки Даскало“ го одбележаа Денот на аутизмот .

Април 01, 2022

Иван Стефановски, средношколец од Битола настапи свирејќи класична музика на електрично пијано на музичко- поетскиот настан посветен на утрешниот Ден за свесност за аутизмот, во Средното општинско училиште „Таки Даскало“ во Битола. Присутните уживаа во неговата изведба и го наградија со аплауз.

Учи за графички уредник-дизајнер, но од мал покажува особен интертес за музиката. Научил да свири пијано, а посетува и часови по пеење. Под менторство на професорот по музичка уметност Христијан Петковиќ , го одржал првиот концерт на забавна музика, а настапувал и на музички настани организирани од Музичкото училиште во Битола и невладини организации. Натапил и на фестивалот Art in experience во Охрид во 2019 година.

„Има завршено Нижо музичко училиште и доста долго се занимава со музика, свири пијано, гитара и доста е музички надарен“, рече психологот Рената Димановска.

На настанот во „Таки Даскало“ беа прочитани и наградени литературни творби на учениците на тема „Отворен свет за сите“. Имаше и ликовен конкурс на кој учествуваа ученици со аутизам.

 „Секој ден треба да ни биде обоен во сино, и не само во сино туку во сите бои зашто нашето општество се состои од богатство од различности и секој ден доколку сакаме да изградиме инклузивно општество треба да придонесуваме со нашите постапки“, рече кооринаторката на училишниот инклузивен тим, психологот Марија Младеновска-Димитровска.

-Имаме седум деца со аутизам во графичките паралелки. Се надевам дека добро се снаоѓаме за почеток, но во иднина тоа треба да се продлабочува и да се зголемува интересот за инклузијата во образованието-рече Грујовски, директор на училиштето.277359758 1602620940120544 4876730850403246787 n

277453688 673952873877204 9185613978121267628 n

277472386 545465533566928 7395041009228321984 n

277683978 509153534092420 2881976024005927906 n

Сподели

Login to your account

Username *
Password *
Remember Me
© 2021 АПЛА.мк. Сите права се задржани